Foto: Depositphotos
Qazaqstanda sý tarifi ózgerýi múmkin. Atalǵan másele boiynsha Ekologiia ministrligi quzyrly organdarǵa usynys ázirlep jatyr. Bul týraly «Qazsýashar» RMK bas direktorynyń paidalaný jáne avtomatizatsiia jónindegi orynbasary Erbol Salihbaev málim etti, dep habarlaidy QazAqparat.
«Búginde respýblikaǵa qarasty 3440 sý kanaly júieleri bar. Sharýalarǵa sý sol júieler arqyly jetkiziledi. Sý kanaly júieleri kezinde kommýnaldyq menshikte bolyp, kóbi qazirgi sý tarifine kirmegen. Iaǵni qazirgi tarif boiynsha olardy kútip ustaýǵa qarjy qarastyrylmaǵan. Osy oraida biyl biz memlekettik quzyrly organdarǵa óz usynysymyzdy joldaimyz. Kelesi jyly ádiletti sý tarifi bekitiledi dep oilaimyz», - dedi Erbol Salihbaev «Qazgidromet» mekemesinde ótken baspasóz máslihatynda.
Ministrlik ókiliniń málimdeýinshe, sý qoimalaryn kútip ustaý - úlken másele.
Sondai-aq, spiker sý salasy mamandarynyń jalaqysy máselesin kóterdi.
«Sý salasy qyzmetkerleri - elimizdegi eń tómen jalaqy alatyndardyń biri. Sondyqtan da problemany tarif arqyly sheshpesek, basqa joly joq. Memleketten qarjy almaimyz, qansha kólemde sý jetkizemiz, sony aqysyn sharýalardan jinap alamyz», - deidi ol.
Erbol Salihbaevtyń dáieginshe, búginde sý salasy mamandarynyń ortasha jalaqysy 90 myń teńgeden aspaidy.
