الماتىدا قازاقستان مۇسىلماندارى دٸني باسقارماسى جانىنداعى يسلام عىلىمي-زەرتتەۋ ينستيتۋتى اشىلدى, دەپ حابارلادى قمدب باسپاسٶز قىزمەتٸ. بۇل ينستيتۋت مەملەكەت باسشىسى قاسىم-جومارت توقاەۆتىڭ يسلامدى دەرٸپتەۋدٸڭ عىلىمي-تەورييالىق نەگٸزٸن دامىتۋ جٶنٸندەگٸ تاپسىرماسى اياسىندا قۇرىلعان.
جاڭا ينستيتۋتتىڭ ديرەكتورى قىزمەتٸن بەلگٸلٸ عالىم, فيلولوگييا عىلىمدارىنىڭ كانديداتى, دوتسەنت تٶرەلٸ قىدىر اتقارادى.
باس مٷفتي ناۋرىزباي قاجى تاعانۇلىنىڭ ايتۋىنشا, ينستيتۋت ۇجىمى يسلام اتىن جامىلعان تٷرلٸ جاماعاتتار مەن اعىمداردىڭ دٸني ۇستانىمدارى مەن جاسىرىن يدەيالارىن عىلىمي تۇرعىدان ەشكەرەلەۋگە, سول ارقىلى ەلٸمٸزدٸڭ تۇتاستىعى مەن حالقىمىزدىڭ بٸرلٸگٸنە سىزات تٷسٸرەتٸن قاۋٸپ-قاتەرلەردٸڭ الدىن الۋعا نازار اۋدارادى.
"يسلام عىلىمي-زەرتتەۋ ينستيتۋتىنىڭ نەگٸزگٸ ماقسات-مٸندەتٸ – عاسىرلار قويناۋىنان جەتكەن رۋحاني-دٸني كٶنە قولجازبالار مەن ەسكٸ كٸتاپتاردى كاديكولوگييا-مەتٸنتانۋلىق تۇرعىدان زەردەلەپ, ساراپتاۋعا, ونى عىلىمي اينالىمعا ەنگٸزۋگە, بٷگٸنگٸ قوعام سۇرانىسىنا وراي قايتا جارىققا شىعارۋعا ٷلەس قوسۋ. اسىل دٸنٸمٸزدٸڭ جالپى ادامزاتتىق قۇندىلىقتارعا نەگٸزدەلگەن يماني-سەنٸم ەكەندٸگٸن عىلىمي تۇرعىدان نەگٸزدەۋ, يسلام ٶركەنيەتٸنٸڭ دامۋىنا ٷلەس قوسقان عالىم-عۇلامالارىمىزدىڭ ەڭبەكتەرٸن زەردەلەپ, ولاردىڭ اسىل مۇراسىن حالقىمىزدىڭ رۋحاني تۇتاستىعى مەن ىنتىماق-بٸرلٸگٸن نىعايتۋ جولىندا كەڭٸنەن پايدالانۋ", – دەلٸنگەن قمدب باسپاسٶز قىزمەتٸنٸڭ حابارلاماسىندا.
