فوتو: parlam.kz
قازٸر ەلٸمٸزدە شامامەن 2 ميلليون وتباسىنىڭ باسپاناسى جوق. ولار پەتەر جالداپ جٷر. بۇل تۋرالى مەجٸلٸس دەپۋتاتى ەلنۇر بەيسەنباەۆ ايتتى, - دەپ حابارلايدى Massaget.kz پورتالى.
ول بٷگٸندە قازاقستاندا باسپانا مەسەلەسٸ ەلٸ ٶزەكتٸ ەكەنٸن جەتكٸزدٸ.
"قازٸر بٸردە-بٸر مەملەكەتتٸك تۇرعىن ٷي باعدارلاماسى قالمادى. ٶزٸن ەلەۋمەتتٸك مەملەكەت دەپ تانىعان ەل ٷشٸن – بۇل نونسەنس. دەل بٷگٸن ٷي كەزەگٸندە 650 مىڭ ادام تۇر. بۇل - شامامەن 2 ميلليون وتباسى مٷشەسٸ پەتەر جالداپ جٷر دەگەن سٶز. ونىڭ ٸشٸندە ٷشتەن بٸرٸنٸڭ قارجى جيناۋ مٷمكٸندٸگٸ مٷلدەم جوق, ياعني تاپقان تابىستارى تاماعىنان ارتىلمايدى. جىلىنا 9 مىڭعا جەتەر-جەتپەس قانا ەلەۋمەتتٸك باعىتتاعى ٷي سالىنادى. ال بٸر جىلدا كەزەككە 50 مىڭ ادام تۇرادى. بۇل قانداي ساياسات, بۇل نەندەي مەنەدجمەنت? ٷي بولماي, كٷي بولماس!", - دەدٸ دەپۋتات مەجٸلٸستٸڭ جالپى وتىرىسىندا.
ەلنۇر بەيسەنباەۆ ماڭىزدى جوبالارعا قارجى بٶلٸنەتٸنٸن, بٸراق اقشا ۋاقىتىندا يگەرٸلمەيتٸنٸن ايتتى.
"بٸر عانا مەكتەپ مەسەلەسٸن مىسالعا كەلتٸرسەك جەتكٸلٸكتٸ. بيۋدجەتتەن 2023 جىلى مەكتەپتەردٸڭ قۇرىلىسىنا بٶلٸنگەن قاراجاتتىڭ كٶلەمٸ 164 ميلليارد تەڭگە بولسا, ونىڭ تەك 37 پايىزى عانا يگەرٸلگەن. بۇل دا ٷلكەن پروبلەما.
سونىمەن قاتار مەملەكەتتٸك ساتىپ الۋدىڭ تاعى بٸر ولقى تۇسى بار. بيۋدجەتتەن اقشا بٶلەمٸز, ال قاجەتتٸ جۇمىستار باستالمايدى, نىسان سالىنبايدى. بٸرٸن-بٸرٸ سوتقا سٷيرەگەن كومپانييالاردىڭ جەكە مٷددەسٸ مەن رەنٸشٸنەن ەلەۋمەتتٸك نىساندار توقتاپ قالىپ جاتىر. بۇل ٸس كەمٸندە 3-4 اي اي قاراستىرىلادى. سوڭىندا جوبا قۇنى قىمباتتايدى, نىسان ۋاقتىلى سالىنبايدى. كٶبٸندە شاعىم دەيەكسٸز بولادى", - دەدٸ Amanat فراكتسيياسىنىڭ تٶراعاسى.
