فوتو: التىنبەك قارتاباي
دزيۋدودان پاريج وليمپياداسىنىڭ جەڭٸمپازى ەلدوس سمەتوۆكە جامبىل وبلىسىنىڭ ەكٸمٸ ەربول قاراشٶكەەۆ جاڭا Lexus 600 كٶلٸگٸ مەن تاراز قالاسىنان 5 بٶلمەلٸ پەتەر كٸلتٸن تابىستادى, دەپ حابارلايدى "ۇلت اقپارات" Kazinform اقپارات اگەنتتٸگٸنە سٸلتەمە جاساپ.
ەلدوستىڭ جاتتىقتىرۋشىسى عالىمجان جىلگەلديەۆكە دە Hyundai Santa Fe اۆتوكٶلٸگٸ مەن 2 بٶلمەلٸ پەتەر كٸلتٸن سىيلاندى. باعالى كٶلٸكتەر مەن پەتەرلەر ٶڭٸردەگٸ كەسٸپكەرلەردٸڭ دەمەۋشٸلٸگٸمەن وليمپيادا چەمپيونى مەن باپكەرٸنە ارنايى الىنعان.
فوتو: التىنبەك قارتاباي
«جاقىندا عانا پاريجدە ٶتٸپ جاتقان 33-شٸ جازعى وليمپيادا ويىندارىندا ەلٸمٸز تاريحي جەڭٸسكە قول جەتكٸزدٸ. بۇل جەڭٸس جامبىلدىقتاردىڭ عانا ەمەس, بارشا قازاقستاندىقتىڭ مەرتەبەسٸن اسقاقتاتتى. ەل بالاسى ەلدوس سمەتوۆ دزيۋدو سپورتى بويىنشا تەۋەلسٸز قازاقستاننىڭ تاريحىندا تۇڭعىش وليمپيادا چەمپيونى اتانىپ وتىر. دانقتى سپورتشى جاقسىلىق ٷشكەمپٸروۆ اعامىزدان كەيٸن بٸردە-بٸر قازاق بالاسى بۇل بيٸكتٸ باعىندىرعان ەمەس. اراعا 44 جىل سالىپ ەلدوس سمەتوۆ قازاقتىڭ وسى ارمان-ماقساتىنا قول جەتكٸزدٸ. وسى سەتتە, ەۋليە اتا ٶڭٸرٸ – چەمپيوندار ٶلكەسٸ, مىقتى باپكەرلەر ورداسى دەگٸم كەلەدٸ. سونداي-اق, قاسيەتتٸ جامبىل جەرٸ – ەر ەلدوستىڭ جەڭٸسٸنەن كەيٸن جاۋىرىنى جەر يٸسكەمەگەن پالۋانداردىڭ استاناسى دەسەك قاتەلەسپەيمٸز. قازاق سپورتىنىڭ, جامبىل سپورتىنىڭ داڭقى ارتا بەرسٸن! ەلٸمٸزدٸڭ كٶك بايراعى بيٸكتەن جەلبٸرەي بەرسٸن!» - دەدٸ ستاديوندا سٶيلەگەن سٶزٸندە وبلىس ەكٸمٸ.
فوتو: التىنبەك قارتاباي
سالتاناتتى كەشتە «الاشۇلى» توبى, ادام, تۇرار, Kalifarniya جەنە ەرنار ايدار سىندى ەسترادا جۇلدىزدارى ٶنەر كٶرسەتتٸ.
بۇعان دەيٸن وليمپيادانىڭ كٷمٸس جٷلدەگەرٸ عۇسمان قىرعىزباەۆقا كٶلٸك تارتۋ ەتٸلگەنٸ تۋرالى جازعانبىز.
