فوتو دەرەككٶزٸ: kazbilim.kz
بۇدان بٶلەك بالالارعا ارنالعان تٶل انيماتسييالىق تۋىندىلارىمىز دا حالىقارالىق فەستيۆالدەردە توپ جارىپ جاتىر. مىسالى, «شىراق» اتتى مۋلتفيلم بٸر جىلدىڭ ٸشٸندە ەلەم بويىنشا 80-نەن استام كينوفەستيۆالدٸ ارالاپ, كٶرگەن جاننىڭ وڭ باعاسىن الدى.حيكايانىڭ باستى ويى — وتباسى بٸرلٸگٸن ساقتاۋ, ٶزارا ىنتىماق جەنە سىيلاستىققا سىزات تٷسٸرمەۋ. باستى كەيٸپكەر شىراق بولعانىمەن, نەگٸزگٸ يدەياسىن اشاتىن كەيٸپكەرلەر باسقا. بٸر قازاق وتباسىندا ەكەسٸ, اناسى, قىزى جەنە كٸشكەنتاي سەبيٸ بولادى. ٷلكەندەر ەلەۋمەتتٸك جەلٸگە جٸپتەي بايلانىپ قالىپ, تەلەفوندارى قولدارىنان تٷسپەيتٸنٸ سۋرەتتەلگەن. ياعني, وتباسى بٸر-بٸرٸمەن سٶيلەسپەيدٸ, تٷسٸنبەيدٸ, قازاقي قۇندىلىقتار مەن تەربيە اقساپ تۇرعانىن كٶرسەتكەن. بٸر كەزدە بٷكٸل قالادا جارىق سٶنٸپ قالادى. سول سەتتە وتاعاسى شىراقتى سٸرٸڭكەمەن جاعىپ, وتباسى بٸر-بٸرٸمەن ويناپ, سٶيلەسٸپ, وتباسى قۇندىلىقتارىنىڭ نە ەكەنٸن تٷسٸنگەندەي بولادى. ال شىراق سول سەتتٸ تاماشالاپ, جارىق بەرٸپ وتىرادى. بۇل تۋىندى حالىقتىڭ كٶڭٸلٸنەن شىعىپ, كەرەمەت ىقىلاسقا بٶلەندٸ.
«مەن ارا ۇجىمىمەن 2020 جىلى تانىستىم. شىراق جوباسىنىڭ ۇشقىنى مەنٸ بٸردەن جاۋلاپ الدى. پروديۋسەرلٸك سەنٸمدٸلٸك ارتقانى ٷشٸن العىس بٸلدٸرەمٸن. بۇل ٷلكەن ەڭبەك. قازاق انيماتسيياسىنا ٷلەس. بۇل فيلم بٸز ٷشٸن ٷلكەن مەكتەپ بولدى. ول ٶنەرٸمٸزدٸ شىڭدادى. ول بٸزدٸ ەسەيتتٸ. بٸزگە تەۋەلسٸز فيلم جاساۋ ٷشٸن سەنٸم مەن جٸگەردٸڭ, تاتۋلىق پەن تاباندىلىقتىڭ بەرٸنەن دە ماڭىزدى ەكەنٸن ٷيرەتتٸ», - دەدٸ رەجيسسەر بەكسۇلتان قازىبەك.
بۇل تٸزٸمگە «ەر تٶستٸك» پەن «الدار كٶسە» سيياقتى ۇلتتىق كەيٸپكەرلەر نەگٸزٸندە تٷسٸرٸلگەن وتاندىق تۋىندىلاردى دا ەنگٸزۋگە بولادى. ال «ساق» ستۋديياسىنىڭ انيماتسييالارى قازاق مۋلتفيلمدەرٸنٸڭ دامۋىنا ٷلكەن ٷلەس قوسىپ, بالالارعا ارنالعان ۇلتتىق مازمۇنداعى تۋىندىلار شىعارىپ كەلەدٸ.
«ەنشۋاق» فەستيۆالٸ بالالاردىڭ تالانتتارىن اشۋعا مٷمكٸندٸك بەرەتٸن رەسپۋبليكالىق چەللەندج. بۇل جوبا ەلٸمٸزدٸڭ تاريحي-مەدەني قۇندىلىقتارىن ناسيحاتتايدى. بۇل شارانىڭ «بٸرتۇتاس تەربيە» باعدارلاماسى اياسىندا ٶسكەلەڭ ۇرپاقتى تەربيەلەۋدە ماڭىزدى رٶل اتقاراتىنىن دا ايتا كەتۋ كەرەك. جاڭا وقۋ جىلى باستالعالى بەرٸ وسى يدەيامەن شابىتتانعان 5 مىڭعا جۋىق مەكتەپ وقۋشىسى چەللەندجگە قوسىلدى.
«ەنشۋاق» بالالار ەندەرٸنٸڭ چەللەندجٸ العاش رەت 2024 جىلدىڭ 1 اقپانى مەن 1 ماۋسىمى ارالىعىندا ٶتٸپ, جەتٸ اي ٸشٸندە 12 مىڭنان استام جارييالانىم جەنە 12 ميلليوننان استام قارالىم جيناعان بولاتىن. قورىتىندىسى ەلٸمٸزدٸڭ ەر ٶڭٸرٸندە «Open Air» فورماتىندا ٶتكٸزٸلٸپ, وندا ەڭ تانىمال بالالار ەندەرٸ شىرقالدى.
قورىتىندىلاي كەلە, سوڭعى جىلدارى ەلٸمٸزدە بالالارعا ارنالعان كونتەنتتٸ كٶبەيتۋ مەن ونىڭ ساپاسىن ارتتىرۋعا ٷلكەن كٶڭٸل بٶلٸنٸپ, ماڭىزدى شارالار جٷزەگە اسىپ كەلەدٸ. وسى ماقساتتا تسيفرلىق پلاتفورمالار بەلسەندٸ دامىپ ٷستٸندە. ول پلاتفورمالار ارقىلى بالالار ٶز جۇمىستارىن جارييالاۋعا, بايقاۋلارعا قاتىسۋعا, بٸلٸم بەرۋ مەن ويىن-ساۋىق باعدارلامالارىن كٶرۋگە مٷمكٸندٸك الىپ وتىر. Bilimland.kz جەنە Daryn.online سيياقتى بٸلٸم بەرۋ پلاتفورمالارى قازاق تٸلٸندەگٸ كونتەنت ارقىلى بالالارعا قاشىقتان وقۋ ماتەريالدارىن مەڭگەرۋگە مٷمكٸندٸك بەرٸپ قانا قويماي, شىعارماشىلىق بايقاۋلارعا قاتىسۋعا ىنتالاندىرادى.
