Foto derekkózi: kazbilim.kz
Budan bólek balalarǵa arnalǵan tól animatsiialyq týyndylarymyz da halyqaralyq festivalderde top jaryp jatyr. Mysaly, «Shyraq» atty mýltfilm bir jyldyń ishinde álem boiynsha 80-nen astam kinofestivaldi aralap, kórgen jannyń oń baǵasyn aldy.Hikaianyń basty oiy — otbasy birligin saqtaý, ózara yntymaq jáne syilastyqqa syzat túsirmeý. Basty keiipker Shyraq bolǵanymen, negizgi ideiasyn ashatyn keiipkerler basqa. Bir qazaq otbasynda ákesi, anasy, qyzy jáne kishkentai sábii bolady. Úlkender áleýmettik jelige jiptei bailanyp qalyp, telefondary qoldarynan túspeitini sýrettelgen. Iaǵni, otbasy bir-birimen sóilespeidi, túsinbeidi, qazaqi qundylyqtar men tárbie aqsap turǵanyn kórsetken. Bir kezde búkil qalada jaryq sónip qalady. Sol sátte otaǵasy shyraqty sirińkemen jaǵyp, otbasy bir-birimen oinap, sóilesip, otbasy qundylyqtarynyń ne ekenin túsingendei bolady. Al Shyraq sol sátti tamashalap, jaryq berip otyrady. Bul týyndy halyqtyń kóńilinen shyǵyp, keremet yqylasqa bólendi.
«Men Ara ujymymen 2020 jyly tanystym. Shyraq jobasynyń ushqyny meni birden jaýlap aldy. Prodiýserlik senimdilik artqany úshin alǵys bildiremin. Bul úlken eńbek. Qazaq animatsiiasyna úles. Bul film biz úshin úlken mektep boldy. Ol ónerimizdi shyńdady. Ol bizdi eseitti. Bizge táýelsiz film jasaý úshin senim men jigerdiń, tatýlyq pen tabandylyqtyń bárinen de mańyzdy ekenin úiretti», - dedi rejisser Beksultan Qazybek.
Bul tizimge «Er Tóstik» pen «Aldar Kóse» siiaqty ulttyq keiipkerler negizinde túsirilgen otandyq týyndylardy da engizýge bolady. Al «Saq» stýdiiasynyń animatsiialary qazaq mýltfilmderiniń damýyna úlken úles qosyp, balalarǵa arnalǵan ulttyq mazmundaǵy týyndylar shyǵaryp keledi.
«Ánshýaq» festivali balalardyń talanttaryn ashýǵa múmkindik beretin respýblikalyq chellendj. Bul joba elimizdiń tarihi-mádeni qundylyqtaryn nasihattaidy. Bul sharanyń «Birtutas tárbie» baǵdarlamasy aiasynda óskeleń urpaqty tárbieleýde mańyzdy ról atqaratynyn da aita ketý kerek. Jańa oqý jyly bastalǵaly beri osy ideiamen shabyttanǵan 5 myńǵa jýyq mektep oqýshysy chellendjge qosyldy.
«Ánshýaq» balalar ánderiniń chellendji alǵash ret 2024 jyldyń 1 aqpany men 1 maýsymy aralyǵynda ótip, jeti ai ishinde 12 myńnan astam jariialanym jáne 12 millionnan astam qaralym jinaǵan bolatyn. Qorytyndysy elimizdiń ár óńirinde «Open Air» formatynda ótkizilip, onda eń tanymal balalar ánderi shyrqaldy.
Qorytyndylai kele, sońǵy jyldary elimizde balalarǵa arnalǵan kontentti kóbeitý men onyń sapasyn arttyrýǵa úlken kóńil bólinip, mańyzdy sharalar júzege asyp keledi. Osy maqsatta tsifrlyq platformalar belsendi damyp ústinde. Ol platformalar arqyly balalar óz jumystaryn jariialaýǵa, baiqaýlarǵa qatysýǵa, bilim berý men oiyn-saýyq baǵdarlamalaryn kórýge múmkindik alyp otyr. Bilimland.kz jáne Daryn.online siiaqty bilim berý platformalary qazaq tilindegi kontent arqyly balalarǵa qashyqtan oqý materialdaryn meńgerýge múmkindik berip qana qoimai, shyǵarmashylyq baiqaýlarǵa qatysýǵa yntalandyrady.
