فوتو: tengritravel.kz
DEMOSCOPE قوعامدىق پٸكٸردٸ زەرتتەۋ بيۋروسى جٷرگٸزگەن ساۋالناما كٶرسەتكەندەي, ەر بەسٸنشٸ قازاقستان ازاماتى (21 پايىزى) ەلدەن كەتۋدٸ ويلايتىن بولىپ شىقتى. نەگٸزگٸ سەبەپ – تابىستىڭ تٶمەندٸگٸ مەن بولاشاققا دەگەن كٷمەن. قازاقستان ازاماتتارىنىڭ شەتەلگە كٶشۋگە دەگەن قىزىعۋشىلىعى, ەسٸرەسە, جاستار مەن ەڭبەككە جارامدى جاستاعى ازاماتتار اراسىندا جوعارى. Ult.kz ەلدەن كٶشۋدٸ ويلاپ جٷرگەن ازاماتتاردىڭ پٸكٸرٸن سۇراپ كٶردٸ.
قىزىلدى-جاسىلدى ارزان كٷلكٸگە قامالىپ وتىرمىز
دانييار ەسٸمدٸ ازامات ەلدە ەلەۋمەتتٸك ليفت جوق دەپ ەسەپتەيدٸ. ايتۋىنشا, كٶپ ادامنىڭ ٶمٸرٸ ماتەريالدىق بازا ورناتۋمەن-اق ٶتٸپ كەتەدٸ.
«كٶشكٸم كەلەتٸن سەبەپ كٶپ, بٸراق باستىسى بٸزدٸڭ ەلدەگٸ ەلەۋمەتتٸك ليفت جوعى. جاستار ەلەۋمەتتە ٶز ورنىن تابۋى قيىن. كٶپتەگەن اۋىل بالاسى قالاعا ۇمتىلىپ, ٶمٸرٸنٸڭ كٶپ بٶلٸگٸن العاشقى ماتەريالدىق بازا (باسپانا, وتباسى, كٶلٸك شىعىندارى) جيناۋمەن ٶتكٸزەدٸ. سەبەبٸ اۋىلدا جاعداي جاسالماعان, ينفراقۇرىلىم مودەرنيزاتسيياسى جوق.
ەكٸنشٸ سەبەبٸ - ەلدە قوعام ەۆوليۋتسيياسىنىڭ كٶرٸنٸستەرٸ جوق. مەسەلەن بيلٸك يەرارحيياسىندا تەك بٸر پارتييا ارقىلى كٶتەرٸلۋگە بولادى. ال بۇل يدەيالاردىڭ تارلىعىنا, ەلدٸڭ ساياسي-ەكونوميكالىق تىعىرىققا تٸرەلۋٸنە ەكەپ سوعادى. دەمەك ساياساتتان از-كەم حابارى بار جاستار ەلدە سىيمايتىنىن تٷسٸنەدٸ. وسىنىڭ سالدارىنان ەل تٷگەلدەي دەرلٸك گەتتو رەجيمٸنە ٶتٸپ, قىلمىس كٶبەيدٸ: تۇرمىستىق زورلىق-زومبىلىق پەن جەمقورلىق ٶرشٸپ تۇر.
ٷشٸنشٸ سەبەبٸ دەپ قوعامنىڭ ەلەكتورات رەتٸندەگٸ امبيتسيياسى جوق. ەركٸندٸك ٷشٸن كٷرەسكەن كەنەسارىنىڭ, كەيٸن الاش قوزعالىسى قايراتكەرلەرٸنٸڭ, بەرٸدەگٸ جەلتوقسانشىلاردىڭ شىندىعى اشىلۋى بىلاي تۇرسىن, تەۋەلسٸزدٸك العان ەلدٸڭ ٶزٸندە ەركٸندٸك جوق. اۆتوكراتييالىق جٷيە ادامنىڭ تولىققاندى دامۋىنا شەكتەۋ قويىپ وتىر. قوعامدا پليۋراليزم جوق, ال مۇنىڭ سالدارىنان ٶزگەشە ويلىلارعا ٶشپەندٸلٸك تانىتۋعا ۇلاسادى. قوعام ساياسي جەنە ەكونوميكالىق تۇرعىدا جەتٸلمەگەن, ينفانتيليزم مەن دٸني دوگماعا ۇرىنىپ, قازٸرگٸ تاڭدا تەك شوۋ-بيزنەس پەن قىزىلدى-جاسىلدى ارزان كٷلكٸگە قامالىپ وتىر», - دەپ اشىندى كەيٸپكەرٸمٸز.
دٸن مەن دەستٷر قىسپاعى
مەرۋەرت ەسٸمدٸ كەيٸپكەرٸمٸز ەلەۋمەتتٸك تەڭسٸزدٸك سالدارىنان ادامدار 2-3 جەردە جۇمىس ٸستەۋگە مەجبٷر, سونىڭ ٶزٸندە ارقاڭدى كەڭگە جايىپ, شالقىپ ٶمٸر سٷرە المايسىڭ, سەبەبٸ جالاقى از. وعان تاعى دٸن مەن دەستٷرگە نەگٸزدەلگەن مەنتاليتەت قوسىلىپ, شىعارماشىل ادامداردىڭ تىنىسىن تارىلتىپ وتىر دەيدٸ.
«بۇل ەلدەن كەتكٸم كەلەتٸن ەڭ بٸرٸنشٸ سەبەپ – بۇل ەلەۋمەتتٸك تەڭسٸزدٸك. مەنٸڭ ماماندىعىم جۋرناليست جەنە مەن بٸر عانا گازەتتە جۇمىس ٸستەپ, 140 مىڭ تەڭگە جالاقى الامىن, ال مەنٸڭ تٶلەيتٸن پەتەرٸمنٸڭ اقىسى – 100 مىڭ تەڭگە. مەنٸڭ جولداسىم ۇزاق جىلدار شەتەلدە جۇمىس ٸستەپ كەلگەن. قازاقستانداعى وعان تٶلەنەتٸن 500-600 مىڭ تەڭگەنٸ ول مٸسە تۇتپايدى. قازٸر ول تەندەرمەن اينالىسىپ جٷر, بٸراق تەندەر تاقىرىبىنا ەنۋدٸڭ ٶزٸنە وعان 1-2 جىل ۋاقىت كەتتٸ. قازٸر بٸز بەلگٸلٸ بٸر سەبەپتەرگە بايلانىستى شەتەلگە شىعا المايتىن بولعاندىقتان, قازاقستاندا ٶمٸر سٷرۋگە مەجبٷرمٸز. جولداسىمدا تەندەر بولماي قالعان ۋاقىتتاردا شىعىنداردى ٶزٸم ارقالاۋىما تۋرا كەلەدٸ. 140 مىڭ تەڭگە ايلىققا قاراپ وتىرمايسىڭ عوي, مەن كەم دەگەندە 4 جەردە جۇمىس ٸستەيمٸن. سايتىم بار جۇمىس ٸستەپ جاتقان, ول جەردەن 85 مىڭ تەڭگە ايلىق الامىن. ودان بٶلەك تاعى بٸر رەسپۋبليكالىق گازەتتە مەنشٸكتٸ تٸلشٸمٸن, ول جەردەن 65 مىڭ تەڭگە الامىن. سولاي-سولاي باسىن قۇراپ, ايىنا 350 مىڭ تەڭگەگە جەتكٸزەمٸن. جولداسىما قاتتى سالماق سالماي, ٶزٸمنٸڭ قاجەتتٸلٸگٸمدٸ ٶتەگٸم كەلەدٸ.
بٸزدە بايلار تىم باي دا, ال ورتا تاپ ٶكٸلدەرٸ, ەڭ تٶمەن توپ ولار تىم جۇپىنى تۇرادى. سول ەلەۋمەتتٸك تەڭسٸزدٸك مەنٸ قاتتى قاپالاندىرادى, ارقاما قاتتى باتادى جەنە دەنساۋلىعىما دا قاتتى ەسەرٸن تيگٸزەدٸ. بٸراق جاس بولعاننان كەيٸن سىنباي كەلە جاتىرمىن. جولداسىم كٶپ جىل شەتەلدە تۇرعاننان كەيٸن بٸزدٸڭ قازاقستاننىڭ مەنتاليتەتٸنە ٷيرەنۋگە دە وڭاي بولعان جوق. مىسالى, تەندەرمەن اينالىسۋدىڭ ٶزٸ وڭاي ەمەس, ۇتۋ ٶتە قيىن», - دەپ اشىندى كەيٸپكەرٸمٸز.
مەرۋەرت تە, كٶپتەگەن قازاق كەلٸندەرٸ سيياقتى تۇرمىستىڭ تاۋقىمەتٸن تارتىپ, ەبدەن شارشاعان. اتا-ەنەدەن بٶلەك تۇرماساڭ, كەلٸندٸ تەگٸن ٷي قىزمەتشٸسٸ دەپ كٶرەتٸن ەگدە جاس بۋىن ٶكٸلدەرٸ ەلٸ بار. بۇل اتادان بالاعا جالعاسقان دەستٷر شەڭبەرٸنەن شىعۋ دا وڭاي ەمەس.
«قازاقستاننان كەتكٸم كەلەتٸن ەكٸنشٸ سەبەپ – بٸزدە ويلاۋ شەڭبەرٸ ٶتە شەكتەۋلٸ, ەسٸرەسە وڭتٷستٸكتە. دەستٷر, دٸن تۇرعىسىنان كەلگەندە سول دٷنيەلەردٸڭ اينالاسىنان شىعا المايمىز. بٸزدە ەركٸن, شىعارماشىل ادامدارعا قىسىم ٶتە كٶپ. مەنٸڭ جاسىم 30-دا, مەن مەكتەپتە بۋللينگ كٶردٸم. مەنٸ قييال, بٸرتٷرلٸ, ٶز ەلەمٸ بار دەگەن دٷنيەلەردٸ كٶپ ەستٸپ ٶستٸم. بٸراق سول نەرسەنٸ ەستي تۇرا, مەن ٶزٸمنٸڭ شىعارماشىل ادام ەكەنٸمدٸ تولىقتاي قابىلداپ, ٶزٸممەن-ٶزٸم جٷرە بەرەتٸنمٸن, ال قازٸر كەلٸن بولىپ تٷسكەننەن كەيٸن, 4 جىل بولدى كەلٸن بولعانىما, ەلٸ كٷنگە دەيٸن مەنٸ قابىلدامايدى. مەن كٸتاپ وقيتىنىمدى ايتسام, كٸتاپ تۋرالى ەڭگٸمە ايتسام, نەمەسە وقشاۋ ويلارىمدى ايتىپ قالسام, «ماقتانىپ تۇر», «تەكاپپارلانىپ تۇر», «بٸزدٸ مەنسٸنبەي تۇر» دەپ قابىلدايدى. ٶزٸم تۋرالى ەش جەردە ەشتەڭە ايتپاۋعا تىرىسامىن. ولاردىڭ تٸرشٸلٸگٸمەن ٶمٸر سٷرٸپ جٷرگەن ادام سيياقتى بولۋعا تىرىسامىن, ٶيتكەنٸ وقشاۋلاپ تاستايدى جەنە ونىڭ كەسٸرٸ سەنٸڭ وتباسىڭا تيەدٸ. سەنٸڭ جولداسىڭمەن قارىم-قاتىناسىڭا ەسەر ەتەدٸ. بٸزدە ادامنىڭ جەكە ٶمٸرٸن سىيلاۋ دەگەن تاياز دەڭگەيدە, سول نەرسەگە مەنٸڭ قارنىم اشادى. بٸراق مەن ٶزٸممەن-ٶزٸم بولۋعا كٷرەسٸپ كەلە جاتىرمىن جەنە ٶزٸمدٸ تولىقتاي قابىلداعان اداممىن. سول ٷشٸن بارىنشا ەلدٸڭ سٶزٸنە مەن بەرمەۋگە تىرىسامىن. وڭتٷستٸكتە مەن سيياقتى ادامدارعا ٶمٸر سٷرۋ ٶتە قيىن. سول ٷشٸن شەتەل اسىپ كەتكٸم كەلەدٸ. بٸزدٸڭ نەگٸزٸ جوسپارىمىزدا بار ەلدەن كەتۋ», - دەيدٸ ول.
كەيٸپكەرٸمٸزدٸڭ ايتۋىنشا, ەلدە ەستەتيكالىق تۇرعىدان لەززات الۋعا بولاتىن ايماقتار از. سۇر ەرٸ سٷرەڭسٸز عيماراتتار تەز جالىقتىرادى.
«ٷشٸنشٸ مەسەلە – قاي وبلىسقا بارسام دا, قاي ٶڭٸردە ٶمٸر سٷرسەم دە, مەن تەز جالىعامىن. ٶيتكەنٸ قاي وبلىس بولماسىن, ەستەتيكالىق تۇرعىدان بەرٸ ٸش پىستىرادى. الماتىدا ەكٸ جىل تۇردىم. بٸزدٸڭ مەدەني استانامىز دەپ جٷرگەن الماتىنىڭ ٶزٸنەن مەن جالىعىپ كەتتٸم. تٷركٸستاندا تۇردىم جارتى جىل, ول جاقتان دا جالىقتىم. بەلكٸم وعان ادامداردىڭ تٷسٸنٸگٸ دە, ەلەۋمەتتٸك مەسەلەلەر دە ەسەر ەتەتٸن بولار. سونداي-اق ارحيتەكتۋرا, سەۋلەت, بەرٸ ٸشپىستىرارلىق, تەك تابيعات قانا بار, وعان دا شىعىپ-شىعىپ شارشايسىڭ عوي. ەلەۋمەتتٸك مەسەلەلەر كەسٸرٸنەن ەلٸ ەل-جەر ارالاپ كٶرگەن جوقپىن, سوندىقتان دا مەن رۋحاني تۇرعىدان اشپىن. قازاقستاندى ساعىنىپ ورالعىم كەلەدٸ, اڭساپ, ٸزدەپ, تۋعان جەرٸم دەگەن سەزٸممەن كەلگٸم كەلەدٸ. بۇل مەنٸڭ ويعا العان ماقساتتارىمنىڭ بٸرٸ», - دەپ اياقتادى سٶزٸن مەرۋەرت.
قايدا بارساڭ دا - كٶزبوياۋشىلىق
تٸلەۋجان احمەتوۆ ەسٸمدٸ كەيٸپكەرٸمٸز قازاق حالقى قوناقجاي, اشىق-جارقىن بولعانىمەن, كٶزبوياۋشىلىق كٶپ دەيدٸ. بيلٸكتەن باستاپ, حالىققا دەيٸن بەرٸن "ٸستەلدٸ" دەگەن ەسەپ ٷشٸن جاسايدى.
«حالىققا دا, بيلٸككە دە ورتاق دٷنيە - كٶزبوياۋشىلىق. وعان تٷرلٸ فورۋم, سەزد, تاعى دا باسقا اقشا كٶپ كەتەتٸن جيىندار دەلەل. سول سيياقتى حالىق تا توي جاساپ, بٸرەۋگە بٸردەڭە دەلەلدەگٸسٸ كەلەدٸ, ال ەكٸنشٸ جاعىنان قارىز بەن كرەديتكە باتىپ جاتادى. سەبەبٸ توي جاساماساڭ, سەنٸ بەرٸ كەدەي دەپ ويلاۋى مٷمكٸن. ال كەدەيلەردٸ ەشكٸم جاقتىرمايدى, بەرٸ باي بولىپ كٶرٸنگٸسٸ كەلەدٸ, سول ٷشٸن قىمبات كٶلٸك, قىمبات تەلەفون, قىمبات كيٸم الادى. ونىڭ بەرٸ, ەرينە, قارىزعا. بەرٸ سول ەلدٸڭ كٶزٸندە ابىرويلى كٶرٸنۋ ٷشٸن. ٶيتكەنٸ بەرٸ بٸر-بٸرٸن اڭدىپ قالعان, كٶرەالمايدى, كٶرسەقىزارلىق, ٸشتارلىق, اياقتان شالۋ, قاساقانا بٸرنەرسە ۇيىمداستىرۋ. بٸرەۋدٸڭ قۋانىشىنا قۋانا الماۋ, ايتا بەرسەڭ كٶپ», - دەيدٸ كەيٸپكەرٸمٸز.
تٸلەۋجان كەيٸنگٸ كەزدەرٸ جايلاعان قىمباتشىلىق تا ەلدە جايلى ٶمٸر سٷرۋگە كەسٸرٸن تيگٸزٸپ جاتىر, بۇل دا بيلٸكتٸڭ بٸلٸكسٸزدٸگٸنەن بولىپ وتىر دەيدٸ.
«مىسالى, قاربىز دٷكەن سٶرەسٸنە تٷسكەنشە, شارۋادان باستاپ, بٸرنەشە دەلدالدىڭ قولىنان ٶتەدٸ. ەرينە ورتاداعى دەلدالدار قانشاما ٷستەماقى قوسادى. سوندىقتان بٸز ونى قىمباتقا ساتىپ الامىز. مۇنىڭ بەرٸن بيلٸك رەتتەۋٸ كەرەك ەمەس پە? رەتتەيٸن دەسە, سول دەلدالداردىڭ كٶبٸ ٶز تۋىستارى, تانىستارى بولىپ شىعادى.
جالپى ٸشكٸ ٶنٸم تٶمەن ەلدە تۇرىپ جاتىرمىز, بۇل ەندٸ سولاي بولىپ قالدى, جالاقى از. شەتەلدە ساعاتىنا 40$ الاسىڭ, ەندٸ 12 ساعات جۇمىس ٸستەسەڭٸز, كٶبەيتٸپ كٶرٸڭٸز قانشا الاتىنىڭىزدى. بٸزدە مۇنداي اقشا الا المايسىڭ. جەر شارى ادامزاتقا بەرٸلگەن سوڭ, بٸر جەرگە بايلانىپ وتىرۋدىڭ قاجەتٸ جوق دەپ ويلايمىن. بارلىق مٷمكٸندٸكتٸ پايدالانۋ كەرەك. شەتەلدە تۇرۋعا ىقتييارحات الۋ دا وڭاي ەمەس ەكەنٸن بٸلەمٸن, بٸراق تىرىسىپ كٶرگەن دۇرىس», - دەيدٸ تٸلەۋجان احمەتجانوۆ.
150 مىڭ تەڭگە جالاقى كٷلكٸلٸ ەمەس پە?
ٷشٸنشٸ كەيٸپكەرٸمٸز جانار — قازٸر ۆارشاۆادا جۇمىس ٸستەپ جٷرگەن قازاقستان ازاماتى. ول ەلدەن كەتۋگە جۇمىسسىزدىق سەبەپ بولدى دەپ وتىر. جۇمىس تاپقان كٷننٸڭ ٶزٸندە ايلىعى تىم تٶمەن.
«قازاقستاندا جۇمىس تاپپادىم, الماتىدا 150 مىڭ ايلىق ۇسىندى. بۇل ايلىققا قالاي كٷن كٶرۋگە بولادى? 8 جىل بۇرىن قىتايعا كەتكەندە سونداي ايلىق بولعان ەدٸ, تٷك ٶزگەرمەگەن. سوندان شەتەلگە كەتۋدٸ جٶن دەپ شەشتٸم. شەتەلدە كەز-كەلگەن جەردە قارا جۇمىسقا شىقساڭ دا, اشتان ٶلمەيسٸڭ. پەتەر اقىسى + تاماققا تولىعىمەن جەتەدٸ, جەتكٸزۋگە بولادى. تەك بٸر مينۋسى – تۇرۋعا ىقتييارحات 6-7 ايداي سوزىلىپ, تەز بەرٸلٸپ جاتقان جوق. سوعىس كەسٸرٸنەن, ادام كٶپتٸگٸنەن 2-3 ايدا جاسالاتىن نەرسە 1 جىلعا دەيٸنگٸ مەرزٸمگە سوزىلىپ كەتتٸ.
مۇندا دا ينفلياتسييا بار, ەرينە, بٸراق ٷكٸمەت ٶلتٸرمەيتٸنٸن كٶرەسٸڭ. ەندٸ مەن ٸشكٸ ٶمٸرٸن تولىق كٶردٸم دەپ ايتا المايمىن, سوندىقتان اسىرا ماقتاماي-اق قويايىن. زاڭسىز جٷرگەن ادامدار ۇزاققا بارمايدى. تۇرۋعا ىقتييارحاتسىز جۇمىس بەرۋشٸلەر دە المايدى. ۇزاق ۋاقىتقا, 5-6 جىلدا بارعان ەلٸمنٸڭ تٸلٸن ٷيرەنٸپ, سٸڭٸپ كەتەمٸن, بەرٸن زاڭدى تٷردە جاساي الامىن دەسەڭ جاقسى. كٶبٸنە ادامدار 500-1 ملن تەڭگەگە دەيٸن اگەنتتٸكتەردٸڭ قىزمەتٸن تٶلەپ كەلٸپ, 1 ايدا سونداي ايلىق الىپ, جاۋىپ تاستايمىز دەپ كەلەدٸ. تٸل بٸلمەي, نارىقتى زەرتتەمەي, ٶز بەتٸنشە بۇل جاقتاعى اگەنتتٸككە باعىنىشتى بولماي (سەبەبٸ ولار تاعى اقشا ۇستايدى, تٸكەلەي جۇمىس بەرۋشٸ بولماعاندىقتان) ٶمٸر سٷرۋ قيىن.
ەڭ تٶمەنگٸ ستاۆكا قازٸر پولشاداعى ايلىق نەتتومەن 3500 زلوتى جوعارى. ياعني 124 تەڭگە كٶبەيتسەڭ, ەڭ از دەگەندە 1000 ەۋرولىق ايلىق الاسىڭ», - دەدٸ كەيٸپكەرٸمٸز.
شەتەلدە ەدٸلەت بار دەپ ٶمٸر سٷرۋ - يلليۋزييا
باتىستا جەتٸنشٸ جىل تۇرىپ جاتقان ەسييا باعدەۋلەت قازاقستاننان شارشاپ, ەيتەۋٸر باسقا جاقتا باراقات, ەدٸلەت پەن شىندىق بار سيياقتى كٶرەتٸندەر كٶپ دەيدٸ. الايدا ەشبٸر ەلدە ەشكٸم تەگٸن ەشتەڭە دايىنداپ كٷتٸپ وتىرماعانىن ەسكەرتەدٸ.
«مۇندا دا مەديا ساتىلعىش, ٶزدەرٸنە قولايلى تاقىرىپتاردا عانا باتىل دا شىنشىل. قوجايىندارى قالاماعان تاقىرىپتاردا, تٸپتٸ ول عاسىر جاۋىزدىعى بولسا دا جاق اشپايدى. ەدٸلدٸك پەن شىندىق ٷشٸن, كٷنكٶرٸس ٷشٸن قاي جەردە دە تارتىس.
بەرٸن قۇرعىر دٷنيە قىزىقتىرادى. اقشا تاپسام دەيدٸ. امەريكادا اقشا تابارسىڭ, بٸراق ول اقشانى قالاي تاباسىڭ? الماتىدا جەكە دٷكەنٸ بار ادام امەريكادا داياشى بولىپ جٷر. العان بٸلٸمٸڭ مەن بٸلٸگٸڭدٸ تەرك ەتٸپ تاپقان نان دەمدٸ بولا ما? كٶڭٸلدٸ تولتىرا ما?
باتىستا نە قۇندى - ادامنىڭ قولىمەن جاسالاتىن دٷنيە قۇندى. سوندىقتان قازاقستاندا قارا جۇمىس ٸستەگەنشە, امەريكادا سول جۇمىستى ٸستەپ, بٸرنەشە ەسە كٶپ تابىس تابۋعا, ەل قاتارلى كٷنەلتۋگە بولادى. ال قازاقستاندا وي ەڭبەگٸمەن, كەسٸپپەن شۇعىلدانىپ, شەتەلدە قارا جۇمىسپەن اقشا تاپتىم دەۋ - بٸلمەيمٸن, ول قانشالىقتى كٶڭٸلدٸ تويدىرادى.
قازٸرگٸ گلوبال زاماندا ميگراتسييا دەگەن ٷيرەنشٸكتٸ قۇبىلىس قوي. شەتەلدە قازاقتىڭ سٶزٸن سٶيلەيتٸن دياسپورا دا كەرەك», - دەيدٸ ول.
ەسييا شەتەلگە بارماس بۇرىن شەتەل تۋرالى يدەاليستٸك قييالدان اجىراۋ كەرەك دەيدٸ.
«قازاقستان مٸنسٸز ەمەس, بٸراق ەلەمدە مٸنسٸز جەر جوق. بٸز جاقسى كٶرەتٸننٸڭ بەرٸ دە مٸنسٸز ەمەس, تٸپتٸ ٶزٸمٸز دە. سونى قابىلدايتىن كەمەلدٸك بولسا عانا ٸسكە سەت. ەيتپەسە قيىن», - دەپ ەسكەرتتٸ ەسييا باعدەۋلەت.
انارا باۋىرجانقىزى
