قر پرەزيدەنتٸ نۇرسۇلتان نازارباەۆ دٷنيەجٷزٸ قازاقتارىنىڭ قۇرىلتايى بارىسىندا قر سىرتقى ٸستەر مينيسترلٸگٸنە جەنە ٷكٸمەتكە شەتەلدەن اتاجۇرتقا ورالۋعا نيەتتەنگەن قازاقتارعا قۇجات جيناتىپ, شەكارادا شىرعالاڭ تۋعىزباۋدى تاپسىردى, دەپ حابارلايدى قازاقپارات.
«ەلٸم, جەرٸم دەپ ەڭٸرەگەن ەربٸر قازاققا قازاقستاننىڭ ەسٸگٸ ەرقاشان اشىق, ايقارا اشىق. ەشكٸمگە شەكتەۋ جوق. جاعداي بار, ەلٸمە كەلەمٸن دەگەندەرگە قاۋىمداستىق ارقىلى بارلىق جاعدايدى جاساۋىمىز كەرەك. بٸز كٶشٸپ كەلۋگە نيەت ەتكەن اعايىنعا جول سٸلتەۋدٸ تۇرعىلىقتى جەرٸنەن باستاۋىمىز كەرەك. بٸزدٸڭ بارلىق ەلدەردە ەلشٸلٸكتەرٸمٸز بار. سول ەلشٸلٸكتەر ازاماتتاردىڭ قۇجاتتارىن قامداپ, قونىستاناتىن جەرٸ تۋرالى كەڭەس بەرۋٸ تيٸس. وسىندا وتىرعان سىرتقى ٸستەر مينيسترٸنە تاپسىرامىن. كەلەمٸن دەگەندەر شەكارادا ىلعي شىرعالاڭ بولىپ تۇرادى. ەلگە كەلگەننەن سوڭ, قۇجات تٷگەندەۋ ٷشٸن ارى-بەرٸ سارىلۋ بولماۋى كەرەك. قىتاي قازاقتارىنىڭ سوتتالعانى نەمەسە سوتتالماعانى تۋرالى انىقتاما الۋ جايى اعايىنعا پروبلەمالار تۋعىزادى. ونى شەكارا تۇرعىسىنان سول جەردە انىقتاپ, ەلمەنەن اقىلداسىپ, كەلٸسٸپ, شەشۋ كەرەك. ٷكٸمەتكە وسىنىڭ بارلىعىن كەشەندٸ تٷردە قايتا قاراپ, شەشٸمٸن تابۋدى تاپسىرامىن», - دەدٸ پرەزيدەنت قۇرىلتايدىڭ اشىلۋ سالتاناتىندا.
ايتا كەتەيٸك, استانا قالاسىندا دٷنيەجٷزٸ قازاقتارىنىڭ V قۇرىلتايى ٶز جۇمىسىن باستاعان بولاتىن. قۇرىلتاي جۇمىسىنا بارلىعى 800 دەلەگات پەن قوناق قاتىسۋدا, ونىڭ 350 ادامى الىس جەنە جاقىن شەتەلدەگٸ 39 مەملەكەتتەن كەلدٸ. بۇل - عىلىمي-شىعارماشىلىق جەنە پەداگوگيكالىق زييالىلار ٶكٸلدەرٸ, بيزنەس, سپورت, بۇقارالىق اقپارات قۇرالدارى سالالارىنىڭ ماماندارى, مەملەكەتتٸك جەنە قوعامدىق ۇيىمداردىڭ قىزمەتكەرلەرٸ. قۇرىلتاي دەلەگاتتارى مەن قوناقتارىنىڭ 80 پايىزى مۇنداي ٸس-شاراعا العاش رەت قاتىسۋدا.
دٷنيەجٷزٸ قازاقتارى قۇرىلتايىنىڭ باسپاسٶز ورتالىعىندا 150 وتاندىق جەنە شەتەلدٸك باق ٶكٸلدەرٸ اقپارات تاراتادى.
1992 جىلدان بەرٸ ٶتكٸزٸلٸپ كەلە جاتقان قۇرىلتاي دٷنيەجٷزٸنٸڭ تٷكپٸر-تٷكپٸرٸندە تۇراتىن ەتنيكالىق قازاقتاردىڭ كەزدەسۋ ورنى ەرٸ بٸرەگەي سۇحبات الاڭى بولىپ تابىلادى.
.jpeg)