«ەلباسى مەدالٸ» جوباسىنا قاتىسۋ شارتتارى قانداي?

نۇر-سۇلتان قالاسىنىڭ ەكٸمدٸگٸندە «ەلباسى مەدالٸ» جوباسىنا قاتىسۋ تالاپتارى تٷسٸندٸرٸلدٸ, دەپ حابارلايدى قازاقپارات.

«2019 جىلى قر تۇڭعىش پرەزيدەنتٸ - ەلباسى بەلسەندٸ جەنە تالانتتى جاستاردى قولداۋ بويىنشا «ەل ٷمٸتٸ» جالپىۇلتتىق ساياساتىن ۇسىندى. بۇل باستاما اياسىندا قر تۇڭعىش پرەزيدەنتٸ - ەلباسى قورى دارىندى بالالاردى انىقتايتىن «قابٸلەت», «ەلباسى مەدالٸ» سىندى بٸرنەشە بٸرەگەي جوبانى قولعا الدى. «ەلباسى مەدالٸ» باعدارلاماسىنا قاتىسۋ تەرتٸبٸ ٷكٸمەت قاۋلىسىمەن بەكٸتٸلٸپ, تۇڭعىش پرەزيدەنت قورىنىڭ قولداۋىمەن ٶتٸپ جاتىر. ونىڭ باستى ماقساتى - ٶسكەلەڭ ۇرپاقتى قولداۋ جەنە ىنتالاندىرۋ», - دەدٸ نۇر-سۇلتان قالالىق بٸلٸم باسقارماسى باسشىسى شولپان قادىروۆا ەكٸمدٸكتە ٶتكەن باسپاسٶز مەسليحاتىندا. 

«ەلباسى مەدالٸ» جوباسىندا ەربٸر قاتىسۋشىعا ٶزٸن-ٶزٸ دامىتۋ ٷشٸن جەتٸ باعىت ۇسىنىلعان: «سپورت جەنە دەنە شىنىقتىرۋ», «كٸتاپ وقۋ», «دارىن مەن داعدى», «ۇلتتىق مۇرا», «ەرٸكتٸلٸك», «تۋريستٸك ساياحاتتار» جەنە «ەڭبەك تەجٸريبەسٸ». باعدارلامانى ەزٸرلەۋدە ٷزدٸك ەلەمدٸك تەجٸريبە قولدانىلعان. 

«بايقاۋعا قاتىسۋشىلار جاسى 14 پەن 29 جاس ارالىعىندا بولۋ - باعدارلامانىڭ نەگٸزگٸ شارتىنىڭ بٸرٸ. ال ولار قايدا تۇرىپ جاتىر, بٸلٸمٸ قانداي, ماماندىعى نە, بۇل جاعى ماڭىزدى ەمەس. «ەلباسى مەدالٸن» ماقساتىنا ۇمتىلعان ەربٸر قازاقستاندىق جاس بۋىن يەلەنە الادى. باعدارلاماعا قاتىسۋ ٷشٸن me.fpp.kz ونلاين پلاتفورماسىنا تٸركەلٸپ, ۇسىنىلعان «التىن», «كٷمٸس» نەمەسە «قولا» باعىتتارىن تاڭداۋ كەرەك. سودان كەيٸن ٶزٸڭٸزگە ارنايى بەكٸتٸلگەن تەلٸمگەردٸڭ كٶمەگٸمەن ٶز قالاۋىڭىزعا ساي ٸس-شارالار مەن كەستەنٸ تاڭداپ, جەكە دامۋ باعدارلاماسىن جاساي الاسىز. مٷمكٸندٸگٸ شەكتەۋلٸ جاندار دا باعدارلاماعا قاتىسا الاتىنداي كەستە قۇرۋعا جاعداي جاسالادى», - دەدٸ سپيكەر. 

ونىڭ ايتۋىنشا, باعدارلاما شەڭبەرٸندە ەرٸكتٸلەردٸڭ قىزمەتٸ, مەملەكەت باسشىسىنىڭ ۆولونتەر جىلىنىڭ اشىلۋىندا ايتقان مٸندەتتەرٸنە سەيكەس بولادى. 

«ەلباسى مەدالٸ» جاستاردىڭ تەك بٸلٸمٸنٸڭ جەنە تابىسىنىڭ سيمۆولى عانا بولىپ قالمايدى. بولاشاق مەكتەپ تٷلەكتەرٸ ٷشٸن دە ەلدەگٸ جوو-لاردا بٸلٸمدەرٸن جالعاستىرۋعا باعىتتالعان تىڭ قادام. مەدال يەگەرلەرٸنٸڭ ۇپايلارى تەڭ بولعان جاعدايدا قر زاڭناماسىندا بەلگٸلەنگەن تەرتٸپپەن بٸلٸم گرانتىن جەنە قالا ەكٸمٸنٸڭ گرانتىن الۋعا تولىق قۇقىعى بار. ەرينە, بۇل - جاعىمدىق جاڭالىق. ەلوردادا دا «ەلباسى مەدالٸ» باعدارلاماسىن دامىتۋعا بارلىق شارالار قولعا الىندى. باعىن سىناماققا ۇمتىلعان جاستار ٷشٸن ەكٸمدٸكتەن قاجەتتٸ قاراجات بٶلٸندٸ. نەتيجەسٸندە, قالامىز بويىنشا دەل قازٸر 1351 ادام باعدارلاماعا قاتىسۋعا ٶتٸنٸش بەرگەن, ولاردىڭ قاتارى ەلٸ دە ارتادى», - دەدٸ ش. قادىروۆا.