ابايدىڭ «جيدەباي-بٶرٸلٸ» مەملەكەتتٸك تاريحي-مەدەني جەنە ەدەبي-مەموريالدىق قورىق-مۋزەيٸنٸڭ ديرەكتورى تۇردىقۇل شاڭباي ەلباسىنىڭ نۇرسۇلتان نازارباەۆتىڭ «اباي اماناتى» اتتى ماقالاسىنا قاتىستى پٸكٸر بٸلدٸردٸ, دەپ حابارلايدى قازاقپارات.
«قازاقستان رەسپۋبليكاسىنىڭ تۇڭعىش پرەزيدەنتٸ-ەلباسى نۇرسۇلتان نازارباەۆتىڭ «اباي اماناتى» ماقالاسىن ٷلكەن تەبٸرەنٸسپەن وقىپ شىقتىم. بٸردەن مۋزەي قىزمەتكەرلەرٸمەن جينالىپ فەلساپالىق مەنٸ تەرەڭ ماقالا تۋرالى وي بٶلٸستٸك. تامىرى تەرەڭ, كٶكجيەگٸ كٶركەم ماقالانى اباي مۋزەيٸنٸڭ قۋانىشى دەپ قابىلدادىق. ونىڭ سەبەبٸ دە جوق ەمەس. بٸزدٸڭ مۋزەيدە تەۋەلسٸزدٸك كەزەڭٸندەگٸ ابايتانۋعا ارنالعان ارنايى ەكسپوزيتسييا بار. ەلباسىنىڭ «اباي اماناتى» ماقالاسى بٸزگە جول كٶرسەتتٸ, وسى باعىتتى جارقىراتا اشىپ بەردٸ. سوندىقتان بيٸك پاراساتپەن جازىلعان ماقالا – اباي مۋزەيٸنٸڭ ٶز قۋانىشى», - دەدٸ تۇردىقۇل شاڭباي.
قورىق-مۋزەيٸنٸڭ ديرەكتورى ەلباسى وسى ماقالاسىندا اتالعان مۋزەي تۋرالى ارنايى جىلى لەبٸز بٸلدٸرگەنٸن اتاپ ٶتتٸ.
«ماقالادا: «ابايدىڭ ٶمٸرٸ مەن شىعارماشىلىعىن تۇتاس قامتيتىن «جيدەباي-بٶرٸلٸ» مەملەكەتتٸك تاريحي-مەدەني جەنە ەدەبي-مەموريالدىق قورىق-مۋزەي قۇرىلدى. جيدەبايدا ٷش جٷز الپىس ەۋليەلٸ مەكەن ماڭعىستاۋدان ەكەلٸنگەن ۇلۋتاستاردان اقشاڭقان كٷمبەزدٸ اباي-شەكەرٸم كەسەنەسٸ تۇرعىزىلىپ, ونىڭ اشىلۋ رەسٸمٸندە بۇل ورىننىڭ ەندٸ ەر قازاق ٷشٸن رۋحاني مەككەگە اينالعانىن اتاپ ٶتتٸم», دەپ جازىلعان. ەلباسىنىڭ دانالىقپەن ايتىلعان سٶزٸ اقيقاتقا اينالدى. اباي مۋزەيٸ قازاقستاننان, شەت ەلدەن قوناقتار ارنايى ٸزدەپ كەلەتٸن رۋحاني مەككەگە اينالعانى راس. ەلباسىنىڭ وسى ماقالاسى بٸزگە قۋانىشپەن قاتار, ٷلكەن جاۋاپكەرشٸلٸك جٷكتەيدٸ. ٶيتكەنٸ تەرەڭ تانىممەن جازىلعان ماقالادا اباي مۋزەيٸنٸڭ مازمۇنىن اشاتىن ويلار مول. ماقالادا ايتىلعان مول مەلٸمەت مۋزەيدٸڭ مازمۇنىن اشۋعا ٷلكەن اقىلشى بولارى انىق. بٸز سوعان قۋاندىق», - دەيدٸ تۇردىقۇل شاڭباي.
