بەلارۋستەگٸ ۇلتتىق ەكزيت-پولل نەتيجەسٸنە ساي, الەكساندر لۋكاشەنكو 9 تامىزدا ٶتكەن پرەزيدەنت سايلاۋىندا 79,9% داۋىس العان. بۇل تۋرالى "بەلارۋس 1" مەملەكەتتٸك تەلەارناسى حابارلادى. بيلٸكتٸڭ ەكزيت-پوللى لۋكاشەنكونىڭ باستى قارسىلاسى سۆەتلانا تيحانوۆسكايا 6,8% داۋىس جيناعانىن مەلٸمدەدٸ.
جۇرتتىڭ كٶبٸ مەملەكەتتٸك ەكزيت-پولل نەتيجەسٸمەن كەلٸسپەيدٸ. ەلدە 9 تامىز كەشكٸسٸن نارازىلىق كٷشەيدٸ.
تيحانوۆسكايا 9 تامىزداعى باسپاسٶز مەسليحاتىندا مينسكٸدەگٸ ٷش سايلاۋ ۋچاسكەسٸندە جەڭٸسكە جەتكەنٸن مەلٸمدەدٸ. شەتەلدەگٸ التەرناتيۆ ساۋالناما نەتيجەسٸ بويىنشا, پرەزيدەنت سايلاۋىندا سۆەتلانا تيحانوۆسكايا جەڭٸسكە جەتكەن. ەكزيت-پولل ۇيىمداستىرۋشىلاردىڭ اقپاراتىنشا, شەتەلدەگٸ 19 سايلاۋ ۋچاسكەسٸندەگٸ داۋىس ساناۋدان كەيٸن تيحانوۆسكايا 79,69% داۋىس العان. 10,59% سايلاۋشى داۋىس بەرۋدان باس تارتقان. لۋكاشەنكو 6,25% داۋىس يەلەنگەن.
9 تامىز كەشكە ۇلتتىق ەكزيت-پولل نەتيجەسٸ جارييالانعان سوڭ ەل نارازىلىققا شىقتى. بەلارۋس اقپارات اگەنتتٸكتەرٸ, Telegram كانالدار ارنايى جاساق كٶشەدە ادامداردى جاپپاي ۇستاعانىن حابارلادى. نارازىلىق كەزٸندە ارنايى جاساق (ومون) پەن نارازىلاردىڭ قاقتىعىستى.
TUT.by سايتىنىڭ تاراتقان ۆيدەوسىندا ارنايى جاساق جۇرتتى رەزەڭكە cويىلمەن ۇرىپ جاتقانى كٶرٸنەدٸ. ازاتتىقتىڭ بەلارۋس قىزمەتٸنٸڭ حابارلاۋىنشا, ارنايى جاساق جينالعانداردى تاراتۋ ٷشٸن كٶزدەن جاس اعىزاتىن گاز قولدانعان.
نارازى جۇرت پەن ارنايى جاساق. مينسك, 9 تامىز 2020 جىل.
كەيبٸر اقپارات اگەنتتٸكتەرٸ نارازىلارعا رەزەڭكە وق اتقانىن حابارلادى. ينتەرنەتتە تاراعان ۆيدەولاردا اتىلعان قارۋ داۋىسى ەستٸلەدٸ. زارداپ شەككەندەر دە بار. نارازىلاردىڭ كٶبٸ "كەت! كەت!", "ماسقارا! ماسقارا!" دەپ ايعايلادى.
ارنايى جاساق نارازىلاردىڭ بٸرٸن ۇرىپ جاتىر. مينسك, 9 تامىز 2020 جىل.
تەۋەلسٸز ساراپشىلار بۇل سايلاۋدا لۋكاشەنكونىڭ 50 پايىزدان از داۋىس جيناعانىن, بيلٸكتٸڭ سايلاۋدى ەدٸل ٶتكٸزبەگەنٸن ايتادى.
مينسكٸدەگٸ, باسقا ەلدەردەگٸ سايلاۋ ۋچاسكەلەرٸندە ۇزىن سونار كەزەك پايدا بولىپ, كٶپ ادام داۋىس بەرە المادى. 9 تامىز تٷس اۋا مينسك قالاسىندا ەسكەري كٶلٸكتەر مەن پوليتسييا, ارنايى جاساق كٶبەيدٸ. سايلاۋ الدىندا, سايلاۋ كٷنٸ ارنايى جاساق ەلدە جٷزدەگەن ادامدى ۇستادى. داۋىس بەرۋ كٷنٸ ەلدە ينتەرنەت بۇعاتتالدى.
بيىلعى سايلاۋ ەلدٸ 26 جىل باسقارىپ وتىرعان الەكساندر لۋكاشەنكو ٷشٸن قيىنعا سوعىپ جاتىر. سايلاۋ الدىندا ەلدە وعان قارسى نارازىلىق كٷشەيدٸ. جۇرتتىڭ كٶبٸ ەلدە ٶزگەرٸس بولعانىن قالايدى.
لۋكاشەنكونىڭ نەگٸزگٸ قارسىلاسى رەتٸندە سۆەتلانا تيحانوۆسكايا كٷيەۋٸ سەرگەي تيحانوۆسكييدٸڭ ورنىنا تٷستٸ. تانىمال ۆيدەوبلوگەر تيحانوۆسكيي وسى جىلدىڭ مامىر ايىندا پرەزيدەنتتٸك سايلاۋعا تٷسەتٸنٸن مەلٸمدەگەن سوڭ, قاماۋعا الىنىپ, سايلاۋعا جٸبەرٸلمەگەن.
بيلٸك وپپوزيتسييالىق ساياساتكەرلەر ۆيكتور باباريكو مەن ۆالەريي تسەپكالونى كانديدات رەتٸندە تٸركەمەي قويدى. باباريكونى ۇلىمەن بٸرگە قاماپ تاستادى, تسەپكالو رەسەيگە كەتتٸ.
9 تامىزدا تسەپكالونىڭ ەيەلٸ ۆەرونيكا تسەپكالو دا بەلارۋستەن رەسەيگە كەتكەنٸ حابارلاندى.
وپپوزيتسييا اتىنان سايلاۋعا تٷسٸپ جاتقان سۆەتلانا تيحانوۆسكايانىڭ سايلاۋالدى قولداۋ اكتسييالارىنا مىڭداعان ادام جينالدى. مەسەلەن, مينسكٸدەگٸ تيحانوۆسكايانىڭ ميتينگٸنە, ەرٸكتٸلەر ەسەبٸنشە, 63 مىڭداي ادام جينالعان. لۋكاشەنكو سايلاۋ الدىندا ساياسي وپپونەنتتەرٸن "شەتەل اگەنتتەرٸ" دەپ سىناعان.
ەقىۇ جەنە تەۋەلسٸز باقىلاۋشىلار بەلارۋستەگٸ سايلاۋلاردى مويىنداماعان.
