ەكونوميست عالىمجان ايتقازين تەڭگە باعامىنىڭ قۇبىلۋىنا قاتىستى پٸكٸر بٸلدٸردٸ, دەپ حابارلايدى قازاقپارات.
«رەسەي مەن باتىس اراسىنداعى قارىم-قاتىناس بٸرجاقnى ٶربٸپ جاتىر. تەك ناشارلاپ بارادى. پروگرەسكە ۇقسايتىن بٸر دە بٸر فاكتور بايقالىپ تۇرعان جوق. سالدارىنان رۋبل كەشە تاعى قۇلدىرادى. ايىرباستاۋ بەكەتتەرٸنەن بٶلەك بانكتەردٸڭ قوسىمشالارىندا دا دوللارعا دەگەن سۇرانىس ٶستٸ. ونىڭ تەڭگەگە ەسەر ەتكەنٸن كٶرٸپ وتىرمىز.
كەيبٸر جەلٸ قولدانۋشىلار رۋبلدٸڭ كونۆەرتاتسيياسىنا قاتىستى ۇسىنىستار ايتىپ جاتىر. جالپى بٸز رەسەيمەن اراداعى قارىم-قاتىناستى قالاعان ۋاقىتتا ٷزە سالا المايمىز. ٶيتكەنٸ ساۋدا بايلانىسىمىز ٶتە تىعىز. ونداي شەشٸمدەر ەكٸ جاققا دا تيٸمسٸز بولادى. سونى تٷسٸنۋ كەرەك. اراداعى ساۋدا قاتىناسىنىڭ اۋقىمى ٶتە ٷلكەن, سوندىقتان بۇل وڭاي شارۋا ەمەس. ەكونوميكاعا بٸردەن ەسەر ەتەدٸ», - دەدٸ ساراپشى.
ماماننىڭ پايىمىنشا, قازٸرگٸ تاڭدا بايبالامعا سالىنباي, تەڭگە باعامىنىڭ تۇراقتانۋىن كٷتۋ ەڭ دۇرىس قادام بولماق.
«ۇلتتىق بانك تە ەڭ تيٸمدٸ باعامدى ورناتۋعا تىرىسادى. نارىقتاعى احۋال قيىن بولىپ تۇر. ەرەكشە احۋال دەۋگە دە بولادى. ايىرباستاۋ بەكەتتەرٸ دە قىزمەتٸن ۋاقىتشا توقتاتىپ جاتىر. ولار دا تەڭگە باعامى قانداي بولاتىنىن بٸلمەي وتىر. ٶيتكەنٸ KASE-دە ەلٸ مەلٸمەت جوق. سونى پايدالانىپ الىپساتارلىققا بارسا, زاڭ بويىنشا جازاعا تارتىلادى.
قازٸر ۆاليۋتا نارعىنداعى كٶلەڭكەلٸ سپەكۋلياتسييا تۋرالى الىپقاشپا ەڭگٸمە كٶپ. ونى تٷسٸنۋ ٷشٸن حالىقارالىق ۆاليۋتا نارىعىن قاراۋ كەرەك. مىسالى, Forex-تە ەلەم بويىنشا ساۋدا جاسالادى. وندا 1-2 ادام كٸرٸپ, سپەكۋلياتسييا جاسايدى دەۋ كٸشكەنە قيسىنسىز دٷنيە. سوندىقتان قازٸر تەڭگەگە تٷسٸپ جاتقان قىسىمنىڭ نەگٸزگٸ بٶلٸگٸ سىرتىق نارىقتاعى جاعدايمەن تٸكەلەي بايلانىستى. KASE-دە الىپساتارلىق ەرەكەتتەر بار شىعار. بٸراق قازٸر نارىق فاكتورى ٶز دەگەنٸن ٸستەپ جاتقانىن كٶرٸپ وتىرمىز.
مۇنداي كەزدە شەتەلدٸك ۆاليۋتا ساتىپ الۋ كەرەك پە, ەلدە مٷلٸك ساتىپ الۋ كەرەك پە, ونى ەركٸم ٶزٸ شەشەدٸ. ەڭ باستىسى بايبالامعا سالىنباۋ كەرەك. ٸشتەگٸ بايبالام بانكتەرگە قىسىم تۋدىرادى», - دەدٸ عالىمجان ايتقازين.
