فوتو: قر سجيم
2025 جىلى قازاقستاننىڭ دٷنيەجٷزٸلٸك ساۋدا ۇيىمىنا (دسۇ) مٷشە بولعانىنا 10 جىل تولدى. وسى كەزەڭدە ەل حالىقارالىق ساۋدا جٷيەسٸنٸڭ بەلسەندٸ ەرٸ جاۋاپتى قاتىسۋشىسى رەتٸندە تانىلدى, دەپ حابارلايدى Ult.kz.
2015 جىلدان بەرٸ قازاقستاننىڭ سىرتقى ساۋدا كٶلەمٸ 76,5 ملرد اقش دوللارىنان 134,7 ملرد دوللارعا دەيٸن ٶستٸ. ەكسپورت كٶلەمٸ 45,8 ملرد-تان 77,6 ملرد دوللارعا جەتتٸ. قازٸرگٸ تاڭدا سىرتقى ساۋدانىڭ 98%-ى دسۇ-عا مٷشە ەلدەرمەن جٷرگٸزٸلەدٸ.
دسۇ مٷشەلٸگٸ قازاقستاننىڭ ينۆەستيتسييالىق تارتىمدىلىعىن دا ارتتىردى: شەتەلدٸك تٸكەلەي ينۆەستيتسييالار 2015 جىلعى 4,1 ملرد دوللاردان 2024 جىلى 12,7 ملرد دوللارعا دەيٸن ٶستٸ.
ماڭىزدى كەزەڭدەردٸڭ بٸرٸ – 2022 جىلى جەنەۆادا ٶتكەن دسۇ-نىڭ 12-شٸ مينيسترلٸك كونفەرەنتسيياسىنا قازاقستاننىڭ تٶراعالىق ەتۋٸ. بۇل جيىن ۇيىم تاريحىنداعى ەڭ تابىستى شارالاردىڭ بٸرٸ رەتٸندە باعالاندى.
سونداي-اق 2024 جىلى جەنەۆادا ٶتكەن ساۋدا ساياساتىنا العاشقى شولۋ بارىسىندا قازاقستاننىڭ رەسٸمدەردٸ جەڭٸلدەتۋ, اشىقتىقتى ارتتىرۋ جەنە ەكونوميكانى ەرتاراپتاندىرۋ باعىتىنداعى جۇمىستارى جوعارى باعالاندى.
كەدەندٸك ەكٸمشٸلٸك سالاسىندا دا ەلەۋلٸ رەفورمالار جٷرگٸزٸلدٸ: ەلەكتروندىق دەكلاراتسييالاۋ, «بٸرىڭعاي تەرەزە» جٷيەسٸ ەنگٸزٸلٸپ, رەسٸمدەردەن ٶتۋ ۋاقىتى ەكٸ كٷننەن 20 مينۋتقا دەيٸن قىسقاردى.
دسۇ-عا مٷشەلٸك قازاقستانعا داۋلاردى شەشۋدٸڭ حالىقارالىق تەتٸكتەرٸن پايدالانۋعا, ۇلتتىق مٷددەلەردٸ قورعاۋعا جەنە ەدٸل جاھاندىق ساۋدا جٷيەسٸن قالىپتاستىرۋعا بەلسەندٸ اتسالىسۋعا مٷمكٸندٸك بەردٸ.
