Foto: QR SjIM
2025 jyly Qazaqstannyń Dúniejúzilik saýda uiymyna (DSU) múshe bolǵanyna 10 jyl toldy. Osy kezeńde el halyqaralyq saýda júiesiniń belsendi ári jaýapty qatysýshysy retinde tanyldy, dep habarlaidy Ult.kz.
2015 jyldan beri Qazaqstannyń syrtqy saýda kólemi 76,5 mlrd AQSh dollarynan 134,7 mlrd dollarǵa deiin ósti. Eksport kólemi 45,8 mlrd-tan 77,6 mlrd dollarǵa jetti. Qazirgi tańda syrtqy saýdanyń 98%-y DSU-ǵa múshe eldermen júrgiziledi.
DSU músheligi Qazaqstannyń investitsiialyq tartymdylyǵyn da arttyrdy: sheteldik tikelei investitsiialar 2015 jylǵy 4,1 mlrd dollardan 2024 jyly 12,7 mlrd dollarǵa deiin ósti.
Mańyzdy kezeńderdiń biri – 2022 jyly Jenevada ótken DSU-nyń 12-shi ministrlik konferentsiiasyna Qazaqstannyń tóraǵalyq etýi. Bul jiyn uiym tarihyndaǵy eń tabysty sharalardyń biri retinde baǵalandy.
Sondai-aq 2024 jyly Jenevada ótken saýda saiasatyna alǵashqy sholý barysynda Qazaqstannyń rásimderdi jeńildetý, ashyqtyqty arttyrý jáne ekonomikany ártaraptandyrý baǵytyndaǵy jumystary joǵary baǵalandy.
Kedendik ákimshilik salasynda da eleýli reformalar júrgizildi: elektrondyq deklaratsiialaý, «Biryńǵai tereze» júiesi engizilip, rásimderden ótý ýaqyty eki kúnnen 20 minýtqa deiin qysqardy.
DSU-ǵa múshelik Qazaqstanǵa daýlardy sheshýdiń halyqaralyq tetikterin paidalanýǵa, ulttyq múddelerdi qorǵaýǵa jáne ádil jahandyq saýda júiesin qalyptastyrýǵa belsendi atsalysýǵa múmkindik berdi.
