فوتو: pexels.com
8 مامىردا قازاقستاننىڭ ەكٸ قالاسىندا جارتى ساعاتتا 2 بالا تەرەزەدەن قۇلاپ كەتكەن. بۇل تۋرالى تٶتەنشە جاعدايلار مينيسترلٸگٸ Telegram-داعى ارناسىندا حابارلادى.
تجم اقپاراتىنشا, بٸرٸنشٸ جاعداي قاراعاندى وبلىسىنىڭ شاحتينسك قالاسىندا بولدى. 5 قاباتتى تۇرعىن ٷيدٸڭ ەكٸنشٸ قاباتىنداعى پەتەردٸڭ تەرەزەسٸنەن ەكٸ جاسار قىز بالا قۇلاپ تٷسكەن. جاراقات العان بالا اۋرۋحاناعا جاتقىزىلعان.
ال ەكٸنشٸ جاعداي سەمەيدە بولعان. وندا 3 جاسار قىز بالا ەكٸنشٸ قاباتتاعى پەتەردٸڭ تەرەزەسٸنەن قۇلاپ, اۋىر جاعدايدا اۋرۋحاناعا جاتقىزىلعان.
ەكٸ جاعدايدا دا بالالار ەرەسەكتەردٸڭ قاراۋىنسىز قالعان. وسىعان بايلانىستى تجم قازاقستاندىقتارعا ەسكەرتۋ جاسادى:
كٸشكەنتاي بالالاردى قاراۋسىز قالدىرماڭىز;
ەشقاشان موسكيت تورلارىنا سەنبەڭٸز. ولار قۇلاۋدان قورعاۋعا ارنالماعان;
بالالارعا ەرەسەكتەردٸڭ قاراۋىنسىز بالكونعا شىعۋعا رۇقسات بەرمەڭٸز.
