Foto: pexels.com
8 mamyrda Qazaqstannyń eki qalasynda jarty saǵatta 2 bala terezeden qulap ketken. Bul týraly Tótenshe jaǵdailar ministrligi Telegram-daǵy arnasynda habarlady.
TJM aqparatynsha, birinshi jaǵdai Qaraǵandy oblysynyń Shahtinsk qalasynda boldy. 5 qabatty turǵyn úidiń ekinshi qabatyndaǵy páterdiń terezesinen eki jasar qyz bala qulap túsken. Jaraqat alǵan bala aýrýhanaǵa jatqyzylǵan.
Al ekinshi jaǵdai Semeide bolǵan. Onda 3 jasar qyz bala ekinshi qabattaǵy páterdiń terezesinen qulap, aýyr jaǵdaida aýrýhanaǵa jatqyzylǵan.
Eki jaǵdaida da balalar eresekterdiń qaraýynsyz qalǵan. Osyǵan bailanysty TJM qazaqstandyqtarǵa eskertý jasady:
kishkentai balalardy qaraýsyz qaldyrmańyz;
eshqashan moskit torlaryna senbeńiz. Olar qulaýdan qorǵaýǵa arnalmaǵan;
balalarǵa eresekterdiń qaraýynsyz balkonǵa shyǵýǵa ruqsat bermeńiz.
