اقش پرەزيدەنتٸ دجو بايدەن رەسەي باسشىسى ۆلاديمير پۋتينمەن تەلەفون ارقىلى سٶيلەستٸ. اق ٷيدٸڭ حابارلاۋىنشا, ەكٸ باسشى ايماق جەنە عالامدىق مەسەلەلەر, ونىڭ ٸشٸندە اقش پەن رەسەيدٸڭ قارۋلانۋدى باقىلاۋعا الۋ جەنە قاۋٸپسٸزدٸك سالاسى بويىنشا ستراتەگييالىق تۇراقتىلىقتى قولداۋ ۇمتىلىسىن تالقىلاعان. قارۋلانۋدى قىسقارتۋ تۋرالى كەلٸسٸمنٸڭ مەرزٸمٸن ۇزارتۋ مەسەلەسٸ دە سٶز بولعان.
پرەزيدەنت بايدەن اقش ۇلتتىق مٷددەسٸن قورعاۋ ماقساتىندا كيبەرشابۋىل, سايلاۋعا كيلٸگۋ سيياقتى رەسەي تارابىنىڭ ەرەكەتتەرٸنە ناقتى جاۋاپ بەرەتٸنٸن ايقىن اڭعارتقان.
پرەزيدەنت بايدەن اقش-تىڭ ۋكراينا ەگەمەندٸگٸ مەن تەرريتورييالىق تۇتاستىعىن بۇرىنعىشا قولداي بەرەتٸنٸن اتاپ ٶتكەن. ول اننەكسييالانعان قىرىم مەن ۋكراينامەن شەكارادا رەسەي ەسكەرٸنٸڭ كٶبەيۋٸنە الاڭداۋشىلىق بٸلدٸرٸپ, مەسكەۋدٸ جاعدايدى ۋشىقتىرماۋعا شاقىرعان.
پرەزيدەنت بايدەن اقش مٷددەسٸنە سەيكەس, رەسەيمەن تۇراقتى ەرٸ جوسپارلى قارىم-قاتىناس ورناتقىسى كەلەتٸنٸن راستاپ, الداعى ايلاردا ەكٸ ەل اراسىنداعى ٸرٸ مەسەلەلەردٸ تالقىلاۋ ٷشٸن ٷشٸنشٸ بٸر مەملەكەتتە كەزدەسۋدٸ ۇسىنعان.
ۆلاديمير پۋتين مەن دجو بايدەننٸڭ تەلەفونمەن ەڭگٸمەلەسكەنٸن كرەمل سايتى دا حابارلادى. وندا ەڭگٸمەنٸڭ امەريكا تارابىنىڭ باستاماسىمەن بولعانى جازىلعان. كرەملدٸڭ جازۋىنشا, ەكەۋارا ەڭگٸمەدە رەسەي-امەريكا قاتىناسىنىڭ قازٸرگٸ احۋالى جەنە حالىقارالىق كٷن تەرتٸبٸندەگٸ بٸرقاتار ماڭىزدى مەسەلەلەر تالقىلانعان.
رەسەي تارابى ەكٸ جاقتىڭ دا عالامدىق قاۋٸپسٸزدٸكتٸ قامتاماسىز ەتۋ ٷشٸن نەگٸزگٸ باعىتتار بويىنشا ديالوگتى جالعاستىرۋعا دايىن ەكەنٸنە نازار اۋدارادى. مەسكەۋدٸڭ ايتۋىنشا, بۇل تەك رەسەي مەن اقش مٷددەسٸ عانا ەمەس, بٷكٸل حالىقارالىق قاۋىمداستىق ٷشٸن ماڭىزدى مەسەلە.
كرەمل حابارلاماسىندا ۋكراينا تٶڭٸرەگٸندەگٸ داعدارىس "ٸشكٸ مەسەلە" دەپ سيپاتتالعان. ەڭگٸمە اۋانى "ۋكراينا ٸشٸندەگٸ داعدارىسقا" ۇلاسقاندا ۆلاديمير پۋتين ساياسي مەسەلەنٸ رەتتەۋدٸڭ "مينسكٸلٸك" ەدٸسٸ تۋرالى بايانداعان.
