استانادا ٶتكەن دٷنيەجٷزٸ قازاقتارىنىڭ V قۇرىلتايىندا قازاقستان جازۋشىلار وداعىنىڭ مٷشەسٸ, «دارىن» مەملەكەتتٸك جاستار سىيلىعىنىڭ يەگەرٸ, تانىمال اقىن دەۋلەتكەرەي كەپۇلى جىردان شاشۋ شاشتى.
***
قايىڭ ساۋعان قازاق ەدٸم, التاي – اتامەكەنٸم,
تاعدىر ماعان ۇسىنباعان بالى مەنەن شەكەرٸن.
يراندا دا يلانبادىم, باسقا تٷسكەن تاعدىرعا,
جٷرەگٸمدٸ باۋرامادى بٶتەن ەۋەن, بٶتەن ٷن.
پاريج بەنەن گەرمانييا, ومبىدا دا قازاقپىن,
شارتاراپتان تاپقان ەدٸم جۇمىر باستىڭ جەتەگٸن.
اياعىمدى اڭدىپ باستىم قييا-قۇزدا, مۇزداقتا,
تٸك باساتىن ساقتىعىنداي شىڭداعى تاۋتەكەنٸڭ.
نٷكٸستەگٸ تٶلەگەننٸڭ ساعىنىشى ەم سارعايعان,
قايدا جٷرسەم قازاقتىعىم – جٷرەكتەگٸ قان مايدان.
كٶكمويناقپەن تٷرٸكپەننٸڭ تٷگەل شارلاپ دالاسىن,
بەسقالا مەن قوجاەلٸندەي قول بۇلعادىم شالعايدان.
قىرعىز بەنەن قىرىم استىم, ەدٸلەتسٸز ۋاقىتتا,
سارىارقانىڭ بال قىمىزى تامساندىرىپ تاڭدايدان.
ٶلەكشٸندەي ٶمٸر كەشۋ – نامىسىما قييانات,
ال, تاعدىرىم سيپاماعان تايقى تۋعان ماڭدايدان!
اقىت قاجى, وسپان ەدٸم, التايداعى اق بوران,
قارسى كەلگەن اجالعا دا قاس-كٸرپٸگٸن قاقپاعان.
گيمالايدا كيٸز تٶسەپ تٷيەتايلى اسۋعا,
تاكلاماكان شٶلٸندە دە جانعا داۋا تاپپاعان.
كەشمٸرگە دە جەتكەن كٶشپٸن ەلٸسحاننىڭ جولىمەن,
دٷنيەنٸڭ بۇرىشىندا دەم بار ما مەن تاتپاعان?!
اتاجۇرتتان كٸندٸك ٷزٸپ, ۇرپاعىمنىڭ قامى ٷشٸن,
تاعدىر كەشتٸم, كٸشٸگٸرٸم – شۇبىرىندى اقتابان!
قازاق ٷشٸن قايدا جٷرسەم قايتالاۋمەن دۇعامدى,
حاليفا التاي بوپ ورالدىم قازاقشالاپ قۇراندى.
ٶزتٷرٸكتٸڭ مۇستافاسى ەم, جاتقا نامىس بەرمەگەن,
كٷندەردە دە اداسپادىم نايزاعايلى, تۇماندى.
ەن بوپ ەستٸم مايرا سالعان جٷرەكتەردٸ تەبٸرەنتٸپ,
اتام كەشكەن عۇمىردى ويلاپ, جانىم جاسقا شىلاندى.
بەيبارىستاي جۋسان اڭساپ, جىراقتا ٶسكەن قوزىڭمىن,
اڭساعانىم – قىپشاق دالام, قۇت تۇعىرىم – تۇران-دى!
مەن بايىرعى قازاق ەدٸم باي-ٶلكەدە باپتالعان,
ٷمٸتٸمدٸ ٷزبەگەنمٸن ارايلانعان اق تاڭنان.
«جالامانىڭ جالاسىنان» ەۋپٸرٸمدەپ جان قالىپ,
تٸرٸ سويعان تۇلىبىم دا كۋنسكامەرادا ساقتالعان.
بوستاندىقتىڭ رۋحىنا بەسٸگٸمدە تالپىنىپ,
قاسقىردايىن سيراعىمدى شايناپ ٷزٸپ قاقپاننان.
ەلگە ەكەلگەن قارجاۋبايمىن كٷلتەگٸننٸڭ كٶكتاسىن,
تاڭدايىمدا بالداي ەرٸپ, ۇلتقا دەگەن تەتتٸ ارمان!
قۇدايمەنەن ارامىزعا اق تٸلەكتٸ ەلشٸ ەتٸپ,
ەشكٸمگە دە باس يمەگەن ٶر قازاقپىن, ەڭسە تٸك,
كٶكسەركەسٸ سەكٸلدەنٸپ تۋ-تالاقاي كٶكپاردىڭ,
جالعانداعى عۇمىرىمدى قايسارلىقپەن ٶلشەتٸپ.
قازاقستان – جٷرەگٸمە بويتۇمارداي جازىلعان,
تارىدايىن شاشىلۋدى ٶمٸرٸمە ەنشٸ ەتٸپ.
اتامەكەن, ساعان جەتٸپ كٶز جاسىمدى قۇرعاتتىم,
كٶك تەڭٸرٸ كٶزٸمٸزگە كٶكبايراقتى كٶرسەتٸپ!
التىنوردام كٷننەن كٷنگە قۇلپىنايداي قۇلپىرا,
تارلانبوزىم تاقىمىمدا, تٸزگٸنٸمدٸ قىمقىرا.
بار قازاققا قۇتتى بولسىن, ساۋىن ايتقان قۇرىلتاي,
كٶكبايراقتىڭ قىران ۇشقان بيٸگٸنە ۇمتىلا.
تەڭٸرٸمە تەۋبا ايتۋمەن دۇعا قىلدىم, باس يٸپ,
اتاجۇرتقا جەتپەي قالعان بوزداقتاردىڭ رۋحىنا.
«ەلٸم-ايدىڭ» زارىن ەندٸ قۇلاعىما ەستٸرتپە,
ەلباسىمەن بولاشاققا قادام باسقان جۇرتىما!
ۋاي, نۇراعا, قازاق ٷشٸن ادامزاتتىڭ اسىلى,
استاناسى – التىنوردا, يرانباقتىڭ جاسىلى.
كٷنگە قۇلاش سەرمەپ تۋعان كٷلتەگٸننٸڭ قىلىشى,
سارى التىننان ساۋىت كيگەن ساق پەن عۇننىڭ حاس ۇلى.
ەلەمدەگٸ بار قانداستىڭ ىقىلاسىن قابىل ال,
اتاجۇرتتا باسىن قوسقان اق جٷرەكتٸڭ شاشۋى.
قايتا ٶرلەگەن قازاعىما كٶك تەڭٸرٸ قۋات بەر,
جاساي بەرسٸن, جايناي بەرسٸن قازاقستان عاسىرى...
دەۋلەتكەرەي كەپۇلى
.jpeg)