بٷگٸن قر مەدەنيەت جەنە سپورت مينيسترٸ اقتوتى رايىمقۇلوۆانىڭ تاپسىرماسى بويىنشا «قازاقفيلم» كينوستۋديياسىنا قر مەدەنيەت جەنە سپورت ۆيتسە-مينيسترٸ نۇرعيسا دەۋەشوۆ پەن قر مەدەنيەت جەنە سپورت مينيسترلٸگٸ مەدەنيەت كوميتەتٸنٸڭ تٶراعاسى اقان ەبدۋەليەۆ رەسمي ساپارمەن كەلدٸ, دەپ حابارلايدى "ۇلت اقپارات".
نۇر-Cۇلتان قالاسىنان كەلگەن دەلەگاتسييا شٸلدەنٸڭ 8-ٸ كٷنٸ ٶمٸردەن ٶتكەن رەجيسسەر ساتىبالدى نارىمبەتوۆتىڭ «جاڭعىرىق» كينوكارتيناسىنا قاتىستى بٸرقاتار مەسەلەلەردٸ تالقىلاۋ ٷشٸن كينوگەرلەرمەن كەزدەستٸ.
كەزدەسۋدٸڭ نەگٸزگٸ ماقساتى – «جاڭعىرىق» فيلمٸن اياقتايتىن قويۋشى-رەجيسسەردٸ بەكٸتۋ بويىنشا تٷپكٸلٸكتٸ شەشٸم قابىلداۋ.
كەزدەسۋگە قازاقستاننىڭ ەڭبەك سٸڭٸرگەن قايراتكەرٸ, جازۋشى, كينودراماتۋرگ سماعۇل ەلۋباەۆ, قازاقستاننىڭ ەڭبەك سٸڭٸرگەن قايراتكەرٸ, كينودراماتۋرگ, «جاڭعىرىق» فيلمٸنٸڭ تەڭ ستسەناريي اۆتورى نۇرلان سانجار, قازاقستاننىڭ ەڭبەك سٸڭٸرگەن قايراتكەرٸ, رەجيسسەر بولات قالىمبەتوۆ, رەجيسسەر توماش توت, ساتىبالدى نارىمبەتوۆتىڭ ۇلى اسقار-مۇحيت نارىمبەتوۆ, «قازاقفيلم» كينوستۋديياسىنىڭ باسشىلىعى جەنە باسقا كينوگەرلەر قاتىستى.
تالقىلاناتىن مەسەلەلەر بويىنشا وي قوسۋ ٷشٸن كسرو حالىق ەرتٸسٸ, قر ەڭبەك ەرٸ اسانەلٸ ەشٸموۆ, قازاقستاننىڭ حالىق ەرتٸسٸ تۇڭعىشباي جامانقۇلوۆ جەنە «جاڭعىرىق» فيلمٸنٸڭ قويۋشى-وپەراتورى, رەجيسسەردٸڭ كٸشٸ ۇلى ەسكەندٸر نارىمبەتوۆ ZOOM ارقىلى كەزدەسۋگە قوسىلدى.
قر مەدەنيەت جەنە سپورت ۆيتسە-مينيسترٸ ن.دەۋەشوۆ كەزدەسۋدٸڭ بارلىق قاتىسۋشىلارىنا العىسىن بٸلدٸرٸپ, بەلگٸلٸ كينورەجيسسەر ساتىبالدى نارىمبەتوۆتىڭ ٶلٸمٸ بٷكٸل قازاق مەدەنيەتٸ ٷشٸن ورنى تولماس قازا ەكەنٸن اتاپ ٶتتٸ.
- مەدەنيەت جەنە سپورت مينيسترٸ اقتوتى رايىمقۇلوۆا فيلمنٸڭ قويۋشى-رەجيسسەرٸ رەتٸندە مارقۇم رەجيسسەر ساتىبالدى نارىمبەتوۆتىڭ ۇلى اسقار-مۇحيت نارىمبەتوۆتى ۇسىنعانىن جاقسى بٸلەسٸزدەر. وسىعان بايلانىستى بٸز بٷگٸن سٸزدەرمەن بٸرگە تٷپكٸلٸكتٸ شەشٸم قابىلداۋ ٷشٸن جينالىپ وتىرمىز, ٶيتكەنٸ ساتىبالدى نارىمبەتوۆتىڭ مۇراسى اياقتالۋى تيٸس, - دەدٸ ۆيتسە-مينيستر.
- مەن بٷگٸن وسى ماڭىزدى مەسەلەنٸ تالقىلاۋعا جينالعانىمىزعا ٶتە قۋانىشتىمىن. ساتىبالدى نارىمبەتوۆتىڭ ۇلدارى ەردايىم ەكەسٸمەن بٸرگە بولعان جەنە جوبانىڭ بارلىق ەگجەي-تەگجەيٸن جاقسى بٸلەدٸ, بارلىق ماتەريالداردى بٸلەدٸ. سوندىقتان مەن اسقار-مۇحيتتىڭ رەجيسسەر بولعانىن قولدايمىن, - دەپ كسرو حالىق ەرتٸسٸ, كينوستۋدييانىڭ كٶركەمدٸك جەتەكشٸسٸ اسانەلٸ ەشٸموۆ لەبٸزٸن بٸلدٸردٸ.
- ساتىبالدى ٶمٸر بويى ۇلدارىنا كينو ٶنەرٸنە دەگەن سٷيٸسپەنشٸلٸكتٸ سٸڭدٸرٸپ, ەبدەن دايىندادى. بٸرەۋٸن وپەراتور, ەكٸنشٸسٸن رەجيسسەر قىلىپ تەربيەلەدٸ. ولار نارىمبەتوۆتىڭ بالالارى عانا ەمەس, ونىڭ شەكٸرتتەرٸ دە, سوندىقتان دا ۇلدارى ەكەسٸنٸڭ باستاعان ٸسٸن لايىقتى اياقتايتىنىنا سەنٸمدٸمٸن, - دەدٸ, جازۋشى سماعۇل ەلۋباەۆ.
Zoom ارقىلى سٶز سٶيلەگەن قازاقستاننىڭ حالىق ەرتٸسٸ تۇڭعىشباي جامانقۇلوۆ مينيستر اقتوتى رايىمقۇلوۆانىڭ قويۋشى-رەجيسسەر اسقار-مۇحيت نارىمبەتوۆتٸ تاعايىنداۋ تۋرالى ۇسىنىسىن قولدايتىنىن ايتىپ, فيلمنٸڭ لايىقتى بولاتىنىنا سەنٸم بٸلدٸردٸ.
- بٸز ستسەنارييدٸ تٶرت جىلدا جازدىق, ول تولىعىمەن دايىن. مەنٸڭ ويىمشا, اسقار-مۇحيت جوبانى اياقتاۋى تيٸس, ال ەگەر قاجەت بولسا, بٸز بەرٸمٸز كٶمەكتەسۋگە دايىنبىز, – دەدٸ ستسەناريي سواۆتورى نۇرلان سانجار.
- ايتىلعان جىلى لەبٸزدەرٸڭٸز ٷشٸن العىس ايتامىن. بٸز فيلمنٸڭ شىعارماشىلىق ۇجىمىمەن كەلٸسسٶز جٷرگٸزدٸك, ولار جۇمىستى جالعاستىرۋعا دايىن ەكەنٸن حابارلادى. سونداي-اق, بٸز بٷگٸن كەزدەسۋگە قاتىسىپ وتىرعان رەجيسسەر توماشتىڭ جوبادا جۇمىس ٸستەگەنٸن قالايمىز, ٶيتكەنٸ ول جوبانىڭ باستاۋىندا تۇردى, ەكەمٸزبەن ەتەنە ارالاستى, - دەدٸ قويۋشى-وپەراتور ەسكەندٸر نارىمبەتوۆ.
كەزدەسۋ نەتيجەسٸندە اسقار-مۇحيت نارىمبەتوۆتىڭ كانديداتۋراسى بٸراۋىزدان قولداۋ تاپتى.
ساتىبالدى نارىمبەتوۆتىڭ ۇلى اسقار-مۇحيت جينالعان قاۋىمعا سەنٸمٸ ٷشٸن العىسىن بٸلدٸرٸپ, قازٸرگٸ ۋاقىتتا ول بارلىق ماتەريالداردى زەرتتەپ جاتقانىن جەنە 2021 جىلدىڭ 26 شٸلدەسٸندەگٸ دٷيسەنبٸگە قاراي كينوستۋدييا باسشىلىعىنا تٷسٸرٸلٸمدٸ اياقتاۋ ٷشٸن ٶز ۇسىنىسىن جولدايتىنىن حابارلادى.
ەستەرٸڭٸزگە سالا كەتەيٸك, رەجيسسەر ساتىبالدى نارىمبەتوۆتىڭ پولياك جازۋشىسى, ايداۋعا كەتكەن رەۆوليۋتسيونەر جەنە دالانىڭ ەتنوگرافييالىق قۇندىلىقتاردى جيناۋشى ادولف يانۋشكەۆيچتٸڭ تاعدىرى تۋرالى باياندايتىن «جاڭعىرىق» فيلمٸ 2019 جىلعى اقپان ايىنىڭ باسىندا ٶندٸرٸسكە جٸبەرٸلگەن بولاتىن.
كارتينانىڭ جالپى بيۋدجەتٸ 640 000 000 تەڭگەنٸ قۇرادى, ونىڭ ٸشٸندە 2019 جىلى تٷسٸرٸلٸم توبى دايىندىق الدىنداعى جەنە ٸشٸنارا دايىندىق كەزەڭدەرٸ شەڭبەرٸندە 240 926 000 تەڭگەنٸ يگەردٸ.
2019 جىلعى 29 قاراشادان باستاپ اتالعان كينوجوبا كينوستۋدييانىڭ سول كەزدەگٸ باسشىلىعىنىڭ بۇيرىعىمەن كونسەرۆاتسيياعا قويىلدى.
2020 جىلعى ناۋرىزدا قر مەدەنيەت جەنە سپورت مينيسترلٸگٸ مەن «قازاقفيلم» كينوستۋديياسى اراسىندا شارت جاسالدى, ونىڭ شەڭبەرٸندە «جاڭعىرىق» فيلمٸن شىعارۋدى جالعاستىرۋعا قالعان سومانىڭ 30% (399 074 000 تەڭگە) - 119 722 200 تگ بٶلٸندٸ.
الايدا, كوروناۆيرۋس ينفەكتسيياسىنىڭ پاندەميياسى جەنە ەلدە جارييالانعان كارانتين رەجيمٸنە بايلانىستى تٷسٸرٸلٸم پروتسەسٸندە ٶزگەرٸستەر ەنگٸزٸلدٸ.
كارتينانىڭ تٷسٸرٸلٸمٸ اۆتورلاردىڭ ويىنشا تەك قازاقستاندا عانا ەمەس, ۆەنگرييادا دا ٶتۋٸ كەرەك بولعان. ٶكٸنٸشكە قاراي, سول كەزدە بٷكٸل ەلەمدە قالىپتاسقان ٶتە قاۋٸپتٸ جاعدايعا بايلانىستى بۇل مٷمكٸن بولمادى.
سونىمەن قاتار, ادولف يانۋشكەۆيچتٸڭ رٶلٸنە اكتەر, پولشا ازاماتى پەتر پولاك بەكٸتٸلگەنٸن ايتا كەتكەن جٶن.
بيۋدجەت قاراجاتىن تيٸمدٸ پايدالانۋ ماقساتىندا قر مەدەنيەت جەنە سپورت مينيسترلٸگٸ مەن «ش.ايمانوۆ اتىنداعى «قازاقفيلم» اق اراسىنداعى №32 شارت بۇزىلدى.
اۆانس تولىعىمەن مەملەكەتتٸك بيۋدجەتكە قايتارىلدى.
2021 جىلى ش.ايمانوۆ اتىنداعى «قازاقفيلم» اق مەدەنيەت جەنە سپورت مينيسترلٸگٸنە 399 074 000 تەڭگە كٶلەمٸندە تولىقمەتراجدى كٶركەم فيلمدٸ اياقتاۋعا قوسىمشا ٶتٸنٸم بەردٸ.
قولدانىستاعى زاڭنامانىڭ تالاپتارىنا سەيكەس, بۇرىن قايتارىلعان قاراجاتتى الۋ ٷشٸن تيٸستٸ رەسٸمدەردٸ, ونىڭ ٸشٸندە رەسپۋبليكالىق بيۋدجەت كوميسسيياسىنىڭ ماقۇلداۋىن جٷرگٸزۋ قاجەت.
وسىعان بايلانىستى «جاڭعىرىق» كينوكارتيناسىن قارجىلاندىرۋ مەسەلەسٸ 2021 جىلعا ارنالعان رەسپۋبليكالىق بيۋدجەتتٸ ناقتىلاۋ كەزٸندە رەسپۋبليكالىق بيۋدجەت كوميسسيياسىنىڭ قاراۋىنا شىعارىلدى جەنە قولداۋ تاپتى.
