Búgin QR Mádeniet jáne sport ministri Aqtoty Raiymqulovanyń tapsyrmasy boiynsha «Qazaqfilm» kinostýdiiasyna QR Mádeniet jáne sport vitse-ministri Nurǵisa Dáýeshov pen QR Mádeniet jáne sport ministrligi mádeniet komitetiniń tóraǵasy Aqan Ábdýáliev resmi saparmen keldi, dep habarlaidy "Ult aqparat".
Nur-Cultan qalasynan kelgen delegatsiia shildeniń 8-i kúni ómirden ótken rejisser Satybaldy Narymbetovtyń «Jańǵyryq» kinokartinasyna qatysty birqatar máselelerdi talqylaý úshin kinogerlermen kezdesti.
Kezdesýdiń negizgi maqsaty – «Jańǵyryq» filmin aiaqtaityn qoiýshy-rejisserdi bekitý boiynsha túpkilikti sheshim qabyldaý.
Kezdesýge Qazaqstannyń eńbek sińirgen qairatkeri, jazýshy, kinodramatýrg Smaǵul Elýbaev, Qazaqstannyń eńbek sińirgen qairatkeri, kinodramatýrg, «Jańǵyryq» filminiń teń stsenarii avtory Nurlan Sanjar, Qazaqstannyń eńbek sińirgen qairatkeri, rejisser Bolat Qalymbetov, rejisser Tomash Tot, Satybaldy Narymbetovtyń uly Asqar-Muhit Narymbetov, «Qazaqfilm» kinostýdiiasynyń basshylyǵy jáne basqa kinogerler qatysty.
Talqylanatyn máseleler boiynsha oi qosý úshin KSRO Halyq ártisi, QR Eńbek Eri Asanáli Áshimov, Qazaqstannyń halyq ártisi Tuńǵyshbai Jamanqulov jáne «Jańǵyryq» filminiń qoiýshy-operatory, rejisserdiń kishi uly Eskendir Narymbetov ZOOM arqyly kezdesýge qosyldy.
QR Mádeniet jáne sport vitse-ministri N.Dáýeshov kezdesýdiń barlyq qatysýshylaryna alǵysyn bildirip, belgili kinorejisser Satybaldy Narymbetovtyń ólimi búkil qazaq mádenieti úshin orny tolmas qaza ekenin atap ótti.
- Mádeniet jáne sport ministri Aqtoty Raiymqulova filmniń qoiýshy-rejisseri retinde marqum rejisser Satybaldy Narymbetovtyń uly Asqar-Muhit Narymbetovty usynǵanyn jaqsy bilesizder. Osyǵan bailanysty biz búgin sizdermen birge túpkilikti sheshim qabyldaý úshin jinalyp otyrmyz, óitkeni Satybaldy Narymbetovtyń murasy aiaqtalýy tiis, - dedi vitse-ministr.
- Men búgin osy mańyzdy máseleni talqylaýǵa jinalǵanymyzǵa óte qýanyshtymyn. Satybaldy Narymbetovtyń uldary árdaiym ákesimen birge bolǵan jáne jobanyń barlyq egjei-tegjeiin jaqsy biledi, barlyq materialdardy biledi. Sondyqtan men Asqar-Muhittyń rejisser bolǵanyn qoldaimyn, - dep KSRO Halyq ártisi, kinostýdiianyń kórkemdik jetekshisi Asanáli Áshimov lebizin bildirdi.
- Satybaldy ómir boiy uldaryna kino ónerine degen súiispenshilikti sińdirip, ábden daiyndady. Bireýin operator, ekinshisin rejisser qylyp tárbieledi. Olar Narymbetovtyń balalary ǵana emes, onyń shákirtteri de, sondyqtan da uldary ákesiniń bastaǵan isin laiyqty aiaqtaitynyna senimdimin, - dedi, jazýshy Smaǵul Elýbaev.
Zoom arqyly sóz sóilegen Qazaqstannyń halyq ártisi Tuńǵyshbai Jamanqulov ministr Aqtoty Raiymqulovanyń qoiýshy-rejisser Asqar-Muhit Narymbetovti taǵaiyndaý týraly usynysyn qoldaitynyn aityp, filmniń laiyqty bolatynyna senim bildirdi.
- Biz stsenariidi tórt jylda jazdyq, ol tolyǵymen daiyn. Meniń oiymsha, Asqar-Muhit jobany aiaqtaýy tiis, al eger qajet bolsa, biz bárimiz kómektesýge daiynbyz, – dedi stsenarii soavtory Nurlan Sanjar.
- Aitylǵan jyly lebizderińiz úshin alǵys aitamyn. Biz filmniń shyǵarmashylyq ujymymen kelissóz júrgizdik, olar jumysty jalǵastyrýǵa daiyn ekenin habarlady. Sondai-aq, biz búgin kezdesýge qatysyp otyrǵan rejisser Tomashtyń jobada jumys istegenin qalaimyz, óitkeni ol jobanyń bastaýynda turdy, ákemizben etene aralasty, - dedi qoiýshy-operator Eskendir Narymbetov.
Kezdesý nátijesinde Asqar-Muhit Narymbetovtyń kandidatýrasy biraýyzdan qoldaý tapty.
Satybaldy Narymbetovtyń uly Asqar-Muhit jinalǵan qaýymǵa senimi úshin alǵysyn bildirip, qazirgi ýaqytta ol barlyq materialdardy zerttep jatqanyn jáne 2021 jyldyń 26 shildesindegi dúisenbige qarai kinostýdiia basshylyǵyna túsirilimdi aiaqtaý úshin óz usynysyn joldaitynyn habarlady.
Esterińizge sala keteiik, rejisser Satybaldy Narymbetovtyń poliak jazýshysy, aidaýǵa ketken revoliýtsioner jáne dalanyń etnografiialyq qundylyqtardy jinaýshy Adolf Ianýshkevichtiń taǵdyry týraly baiandaityn «Jańǵyryq» filmi 2019 jylǵy aqpan aiynyń basynda óndiriske jiberilgen bolatyn.
Kartinanyń jalpy biýdjeti 640 000 000 teńgeni qurady, onyń ishinde 2019 jyly túsirilim toby daiyndyq aldyndaǵy jáne ishinara daiyndyq kezeńderi sheńberinde 240 926 000 teńgeni igerdi.
2019 jylǵy 29 qarashadan bastap atalǵan kinojoba kinostýdiianyń sol kezdegi basshylyǵynyń buiryǵymen konservatsiiaǵa qoiyldy.
2020 jylǵy naýryzda QR Mádeniet jáne sport ministrligi men «Qazaqfilm» kinostýdiiasy arasynda shart jasaldy, onyń sheńberinde «Jańǵyryq» filmin shyǵarýdy jalǵastyrýǵa qalǵan somanyń 30% (399 074 000 teńge) - 119 722 200 tg bólindi.
Alaida, koronavirýs infektsiiasynyń pandemiiasy jáne elde jariialanǵan karantin rejimine bailanysty túsirilim protsesinde ózgerister engizildi.
Kartinanyń túsirilimi avtorlardyń oiynsha tek Qazaqstanda ǵana emes, Vengriiada da ótýi kerek bolǵan. Ókinishke qarai, sol kezde búkil álemde qalyptasqan óte qaýipti jaǵdaiǵa bailanysty bul múmkin bolmady.
Sonymen qatar, Adolf Ianýshkevichtiń róline akter, Polsha azamaty Petr Polak bekitilgenin aita ketken jón.
Biýdjet qarajatyn tiimdi paidalaný maqsatynda QR Mádeniet jáne sport ministrligi men «Sh.Aimanov atyndaǵy «Qazaqfilm» AQ arasyndaǵy №32 shart buzyldy.
Avans tolyǵymen memlekettik biýdjetke qaitaryldy.
2021 jyly Sh.Aimanov atyndaǵy «Qazaqfilm» AQ Mádeniet jáne sport ministrligine 399 074 000 teńge kóleminde tolyqmetrajdy kórkem filmdi aiaqtaýǵa qosymsha ótinim berdi.
Qoldanystaǵy zańnamanyń talaptaryna sáikes, buryn qaitarylǵan qarajatty alý úshin tiisti rásimderdi, onyń ishinde respýblikalyq biýdjet komissiiasynyń maquldaýyn júrgizý qajet.
Osyǵan bailanysty «Jańǵyryq» kinokartinasyn qarjylandyrý máselesi 2021 jylǵa arnalǵan respýblikalyq biýdjetti naqtylaý kezinde respýblikalyq biýdjet komissiiasynyń qaraýyna shyǵaryldy jáne qoldaý tapty.
