فوتو: Dknews.kz
2025 جىلدىڭ مامىرىنان باستاپ تاۋارلاردىڭ شىققان ەلٸن ايقىنداۋعا قاتىستى زاڭناماعا ٶزگەرٸستەر ەنگٸزٸلدٸ. بۇل قادام يمپورت ساپاسىن باقىلاۋعا جەنە ساپاسىز ٶنٸمدەردٸڭ ەنۋٸنە توسقاۋىل قويۋعا مٷمكٸندٸك بەرەدٸ, دەپ حابارلايدى Ult.kz.
وتاندىق ٶندٸرۋشٸلەر ٷشٸن بٸرىڭعاي تٸزٸلٸم جاسالىپ جاتىر. ول كومپانييالارعا مەملەكەتتٸك قولداۋ شارالارىنا, مەملەكەتتٸك جەنە كۆازيمەملەكەتتٸك ساتىپ الۋلارعا قول جەتكٸزۋگە جول اشادى.
سونىمەن قاتار, دٷكەندەردە قازاقستاندىق ٶنٸمدەرگە كەمٸندە 50% سٶرەلٸك كەڭٸستٸك بەرۋدٸ كٶزدەيتٸن جاڭا باعدارلاما ٸسكە قوسىلدى.
ينفراقۇرىلىمدىق باقىلاۋ دا كٷشەيتٸلدٸ.
«بارلىق باقىلاۋشى ورگانداردىڭ قاتىسۋىمەن احۋالدىق شتاب تيٸمدٸ جۇمىس اتقارۋدا. 47 مىڭنان استام كٶلٸك تەكسەرٸلدٸ, تاۋارلىق سالماقتا بۇل – 600 مىڭ توننادان استام مال شارۋاشىلىعى ٶنٸمدەرٸ. ونىڭ ٸشٸندە 900-دەن استام اۆتوكٶلٸك كەرٸ قايتارىلدى, 1 مىڭنان استام سەيكەستٸكتٸ راستاۋ قۇجاتتارىنىڭ كٷشٸ جويىلدى», – دەدٸ ساۋدا جەنە ينتەگراتسييا مينيسترٸ ارمان شاققاليەۆ.
مامانداردىڭ ايتۋىنشا, بۇل شارالار وتاندىق ٶنٸمنٸڭ ساپاسىن ارتتىرىپ قانا قويماي, قازاقستاندىق ٶندٸرۋشٸلەردٸڭ بەسەكەگە قابٸلەتتٸلٸگٸن دە كٷشەيتەدٸ.
