Foto: Dknews.kz
2025 jyldyń mamyrynan bastap taýarlardyń shyqqan elin aiqyndaýǵa qatysty zańnamaǵa ózgerister engizildi. Bul qadam import sapasyn baqylaýǵa jáne sapasyz ónimderdiń enýine tosqaýyl qoiýǵa múmkindik beredi, dep habarlaidy Ult.kz.
Otandyq óndirýshiler úshin biryńǵai tizilim jasalyp jatyr. Ol kompaniialarǵa memlekettik qoldaý sharalaryna, memlekettik jáne kvazimemlekettik satyp alýlarǵa qol jetkizýge jol ashady.
Sonymen qatar, dúkenderde qazaqstandyq ónimderge keminde 50% sórelik keńistik berýdi kózdeitin jańa baǵdarlama iske qosyldy.
Infraqurylymdyq baqylaý da kúsheitildi.
«Barlyq baqylaýshy organdardyń qatysýymen Ahýaldyq shtab tiimdi jumys atqarýda. 47 myńnan astam kólik tekserildi, taýarlyq salmaqta bul – 600 myń tonnadan astam mal sharýashylyǵy ónimderi. Onyń ishinde 900-den astam avtokólik keri qaitaryldy, 1 myńnan astam sáikestikti rastaý qujattarynyń kúshi joiyldy», – dedi Saýda jáne integratsiia ministri Arman Shaqqaliev.
Mamandardyń aitýynsha, bul sharalar otandyq ónimniń sapasyn arttyryp qana qoimai, qazaqstandyq óndirýshilerdiń básekege qabilettiligin de kúsheitedi.
