ۇلتتىق ەكونوميكا مينيسترٸنٸڭ ورىنباسارى سەرٸك جۇمانعارين تٸلشٸنٸڭ تاريفكە قاتىستى قويعان ساۋالىنا دٶرەكٸ جاۋاپ بەرگەنٸ ٷشٸن كەشٸرٸم سۇرادى. شەنەۋنٸك ٶز تاراپىنان ٶرەسكەلدٸك بولعانىن مويىنداعان, دەپ حابارلايدى "ۇلت اقپارات".
سەرٸك جۇمانعاريننٸڭ كەشٸرٸم سۇراعان سٶزدەرٸن ۆەدومستۆونىڭ باسپاسٶز حاتشىسى ٶزٸنٸڭ Facebook پاراقشاسىندا جارييا ەتتٸ.
"مەن جۋرناليستەرگە قاراتا قاتتى ايتقان سٶزٸمە ٶكٸنٸش بٸلدٸرەمٸن. يە, مەنٸڭ سٶزٸم ٶرەسكەلدەۋ بولدى. سول سەبەپتٸ, جۋرناليستەردەن رەسمي تٷردە كەشٸرٸم سۇرايمىن. سۇحبات بەرۋ مەسەلەسٸنە كەلسەك, ول جايلى ەسكەرتكەنٸمدەي, جۋرناليستەردٸ قىزىقتىرعان ساۋالدارعا جاۋاپ بەرۋگە دايىنمىن", - دەپ اتاپ ٶتكەن ۆيتسە-مينيستر.
ەسكە سالا كەتەيٸك, بۇعان دەيٸن ەلەۋمەتتٸك جەلٸدە تاريفكە قاتىستى سۇراق قويعان تٸلشٸگە ٶرەسكەل جاۋاپ بەرگەن ۇلتتىق ەكونوميكا ۆيتسە-مينيسترٸ سەرٸك جۇمانعاريننٸڭ ۆيدەوسى تاراعان ەدٸ.
ۆيدەونى كٶرگەن جەلٸ قولدانۋشىلارى شەنەۋنٸكتٸڭ سٶزٸنە نارازىلىق بٸلدٸرگەن.
