Ulttyq ekonomika ministriniń orynbasary Serik Jumanǵarin tilshiniń tarifke qatysty qoiǵan saýalyna dóreki jaýap bergeni úshin keshirim surady. Sheneýnik óz tarapynan óreskeldik bolǵanyn moiyndaǵan, dep habarlaidy "Ult aqparat".
Serik Jumanǵarinniń keshirim suraǵan sózderin vedomstvonyń baspasóz hatshysy óziniń Facebook paraqshasynda jariia etti.
"Men jýrnalisterge qarata qatty aitqan sózime ókinish bildiremin. Iá, meniń sózim óreskeldeý boldy. Sol sebepti, jýrnalisterden resmi túrde keshirim suraimyn. Suhbat berý máselesine kelsek, ol jaily eskertkenimdei, jýrnalisterdi qyzyqtyrǵan saýaldarǵa jaýap berýge daiynmyn", - dep atap ótken vitse-ministr.
Eske sala keteiik, buǵan deiin áleýmettik jelide tarifke qatysty suraq qoiǵan tilshige óreskel jaýap bergen Ulttyq ekonomika vitse-ministri Serik Jumanǵarinniń videosy taraǵan edi.
Videony kórgen jeli qoldanýshylary sheneýniktiń sózine narazylyq bildirgen.
