"ديزەل وتىنى 115 تەڭگەگە جوعارىلايدى دەپ كٷتٸلۋدە. بۇل تۋرالى بٷگٸن قر ەنەرگەتيكا ۆيتسە-مينيسترٸ ەسەت ماعاۋوۆ مەلٸم ەتتٸ", - دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
"بٸزدٸڭ ديزەل وتىنىنىڭ باعاسى رەسەيدەگٸدەن ەكٸ ەسە ارزان. بٸزدٸڭ باعالار, قاتەلەسپەسەم, 1997 جىلدان بەرٸ ٶزگەرمەي كەلەدٸ. بٸزدٸڭشە, بۇل جاعدايدى قولدان ۇستاپ تۇرۋ دۇرىس ەمەس. بۇل وتاندىق مۇناي كومپانييالارىنا دا كەرٸ ەسەرٸن بەرۋدە. ولار جىلدىق قارجىلىق اxۋالىندا تەرٸس كٸرٸسپەن اياقتاۋدا. مۇناي سالاسىنىڭ تۇرالاپ قالۋ قاۋپٸ بار. باعانىڭ كٶتەرٸلۋٸ قاجەت, سەبەبٸ تامىزدا ديزەل وتىنى بولماي قالۋى مٷمكٸن. كەيٸن قىسقى مەزگٸلدە باعا قايتا تٶمەندەيدٸ", - دەيدٸ ول.
ونىڭ سٶزٸنە قاراعاندا, اۋىل شارۋاشىلىعىندا ەگٸن جيناۋ ناۋقانىنا جىلداعىداي تٶمەن باعامەن ەگٸنشٸلەرگە 400 مىڭ تونناعا جۋىق ديزەل وتىنى بٶلٸنگەن. ولارعا باعا ٶزگەرمەيدٸ جەنە جەڭٸلدٸكپەن ەسەپتەگەندە ليترٸنە 79 تەڭگە شاماسىندا بولماق.
"قازٸر قازاقستاندا شامامەن 200 مىڭ توننا ديزەل وتىنىنىڭ قورى بار. وسى ايدا 400 مىڭ تونناسىن قوسىمشا ٶندٸرەتٸن بولامىز. 25 شٸلدەدەگٸ جاعداي بويىنشا, بٸز 330 مىڭ توننا شىعارىپ ٷلگەردٸك. ونىڭ 97 پايىزىن تۇتىنۋشىلارعا جەتكٸزٸلدٸ. دەمەك, بٷگٸندە ديزەل وتىنى ٷزدٸكسٸز نارىققا شىعارىلۋدا", - دەدٸ ۆيتسە-مينيستر.
بۇنىڭ الدىندا «قازاقپارات» تٸلشٸسٸنە بەرگەن سۇحباتىندا مۇناي-گاز سالاسى بويىنشا تەۋەلسٸز ساراپشى ولجاس بايدٸلداەۆ مەملەكەت ديزەل وتىنىنىڭ باعاسىن ۇزاق ۋاقىت تەجەپ, ۇستاپ تۇرۋعا كٷش سالدى, بٸراق, بەرٸبٸر نارىق زاڭدىلىعىنا قارسى تۇرۋ مٷمكٸن ەمەس ەكەندٸگٸن ايتقان بولاتىن.
«سوڭعى اقپاراتتارعا سٷيەنسەك, ەلٸمٸزدٸڭ كەيبٸر ٶڭٸرلەرٸندە ديزەل وتىنىنىڭ تاپشىلىعى بايقالادى. سەبەبٸ تٷسٸنٸكتٸ - ٸشكٸ نارىقتا ديزەل وتىنىنىڭ دوللارلىق بالاما باعاسى تىم تٶمەن. سەيكەسٸنشە, ديزەل وتىنىن جەتكٸزۋشٸلەرگە ٸشكٸ نارىقتا ساتۋ تيٸمسٸز», - دەدٸ و. بايدٸلداەۆ.
