"Dizel otyny 115 teńgege joǵarylaidy dep kútilýde. Bul týraly búgin QR Energetika vitse-ministri Áset Maǵaýov málim etti", - dep habarlaidy Ult.kz tilshisi QazAqparat agenttigine silteme jasap.
"Bizdiń dizel otynynyń baǵasy Reseidegiden eki ese arzan. Bizdiń baǵalar, qatelespesem, 1997 jyldan beri ózgermei keledi. Bizdińshe, bul jaǵdaidy qoldan ustap turý durys emes. Bul otandyq munai kompaniialaryna da keri áserin berýde. Olar jyldyq qarjylyq axýalynda teris kirispen aiaqtaýda. Munai salasynyń turalap qalý qaýpi bar. Baǵanyń kóterilýi qajet, sebebi tamyzda dizel otyny bolmai qalýy múmkin. Keiin qysqy mezgilde baǵa qaita tómendeidi", - deidi ol.
Onyń sózine qaraǵanda, aýyl sharýashylyǵynda egin jinaý naýqanyna jyldaǵydai tómen baǵamen eginshilerge 400 myń tonnaǵa jýyq dizel otyny bólingen. Olarǵa baǵa ózgermeidi jáne jeńildikpen eseptegende litrine 79 teńge shamasynda bolmaq.
"Qazir Qazaqstanda shamamen 200 myń tonna dizel otynynyń qory bar. Osy aida 400 myń tonnasyn qosymsha óndiretin bolamyz. 25 shildedegi jaǵdai boiynsha, biz 330 myń tonna shyǵaryp úlgerdik. Onyń 97 paiyzyn tutynýshylarǵa jetkizildi. Demek, búginde dizel otyny úzdiksiz naryqqa shyǵarylýda", - dedi vitse-ministr.
Bunyń aldynda «QazAqparat» tilshisine bergen suhbatynda munai-gaz salasy boiynsha táýelsiz sarapshy Oljas Baidildaev memleket dizel otynynyń baǵasyn uzaq ýaqyt tejep, ustap turýǵa kúsh saldy, biraq, báribir naryq zańdylyǵyna qarsy turý múmkin emes ekendigin aitqan bolatyn.
«Sońǵy aqparattarǵa súiensek, elimizdiń keibir óńirlerinde dizel otynynyń tapshylyǵy baiqalady. Sebebi túsinikti - ishki naryqta dizel otynynyń dollarlyq balama baǵasy tym tómen. Sáikesinshe, dizel otynyn jetkizýshilerge ishki naryqta satý tiimsiz», - dedi O. Baidildaev.
