مەملەكەت باسشىسى قاسىم-جومارت توقاەۆتىڭ كٸتاپ وقۋ مەدەنيەتٸن دامىتۋ جەنە زەردەلٸ ۇلت قالىپتاستىرۋ جٶنٸندەگٸ جارلىعى كٸتاپ پەن وقىرمان مەسەلەسٸن مەملەكەتتٸك دەڭگەيدەگٸ باسىم باعىتتاردىڭ بٸرٸنە شىعاردى. وسى باستامانى جالعاستىرعان قازاقستان رەسپۋبليكاسىنىڭ مەدەنيەت جەنە اقپارات مينيسترٸ ارمان قىرىقباەۆ قوعام ٶكٸلدەرٸن «جىلدىڭ 10 وقىرمانى» جوباسىنا قاتىسۋعا شاقىردى.
ARMAN-PV باسپاسىنىڭ باس ديرەكتورى ديدارا الينا بۇل باستامانى كٸتاپ يندۋستريياسى ٷشٸن ماڭىزدى قادام دەپ باعالايدى.
«باسپاگەر رەتٸندە بۇل باستامانى قولدايمىن. تۇراقتى وقىرمان – كٸتاپ يندۋستريياسىنىڭ نەگٸزگٸ تٸرەگٸ. وقىرمان كٶبەيگەن سايىن ساپالى مازمۇنعا سۇرانىس ارتادى, جاڭا اۆتورلارعا جول اشىلادى, باسپا مەن كٸتاپ ساۋداسى داميدى. سوندىقتان وقۋ مەدەنيەتٸن قالىپتاستىرۋ – تەك اعارتۋشىلىق مەسەلە ەمەس, تۇتاس سالانىڭ بولاشاعىنا ەسەر ەتەتٸن فاكتور», – دەيدٸ ديدارا الينا.
2002 جىلدان بەرٸ جۇمىس ٸستەپ كەلە جاتقان ARMAN-PV وقۋ, وقۋ-ەدٸستەمەلٸك, تانىمدىق جەنە مەدەني باسىلىمدار شىعارادى. شيرەك عاسىرعا جۋىق تەجٸريبەسٸ بار باسپا بٷگٸندە قازاقستاندىق كٸتاپتى حالىقارالىق كەسٸبي ورتادا تانىستىرۋ باعىتىن دا كٷشەيتٸپ كەلەدٸ.
قازٸر باسپا 7–11 قازاندا ٶتەتٸن Frankfurter Buchmesse 2026 حالىقارالىق كٸتاپ جەرمەڭكەسٸنە دايىندالىپ, جاڭا باسىلىمدارىن ەزٸرلەپ جاتىر. قازاقستاندىق باسپالاردىڭ فرانكفۋرت كٶرمەسٸنە قاتىسۋىن مەدەنيەت جەنە اقپارات مينيسترلٸگٸ سوڭعى جىلدارى جٷيەلٸ قولداپ كەلەدٸ. 2024 جەنە 2025 جىلدارى مينيسترلٸكتٸڭ قولداۋىمەن قازاقستاننىڭ ۇلتتىق ستەندٸ ۇيىمداستىرىلىپ, ARMAN-PV وتاندىق باسپالار قاتارىندا كٶرمەگە قاتىستى.
«فرانكفۋرت – كٸتاپتى كٶرسەتۋ الاڭى عانا ەمەس. بۇل اۆتورلىق قۇقىق, اۋدارما, سەرٸكتەستٸك جەنە جاڭا نارىقتار تۋرالى كەلٸسسٶز جٷرەتٸن كەسٸبي ورتا. مينيسترلٸكتٸڭ قازاقستاندىق باسپالاردى حالىقارالىق الاڭدارعا شىعارۋعا كٶرسەتٸپ وتىرعان قولداۋى بٸز ٷشٸن ماڭىزدى. بيىل دا جاڭا كٸتاپتارىمىزدى حالىقارالىق اۋديتوريياعا لايىق دەڭگەيدە ۇسىنۋعا دايىندالىپ جاتىرمىز», – دەيدٸ باسپا باسشىسى.
ديدارا الينانىڭ ايتۋىنشا, ٸشكٸ نارىقتا تۇراقتى وقىرمان قالىپتاستىرۋ مەن قازاقستاندىق كٸتاپتى حالىقارالىق دەڭگەيگە شىعارۋ – بٸر-بٸرٸن تولىقتىراتىن ەكٸ باعىت. بٸرٸ كٸتاپقا سۇرانىستى ارتتىرسا, ەكٸنشٸسٸ وتاندىق باسپا يندۋستريياسىنىڭ جاڭا نارىقتارعا شىعۋىنا مٷمكٸندٸك بەرەدٸ.
