بٷگٸن پارلامەنت مەجٸلٸسٸنٸڭ جالپى وتىرىسىندا دەپۋتات عالىمجان ەلەۋوۆ دەرٸلٸك قامتاماسىز ەتۋگە قاتىستى مەسەلە كٶتەرٸپ, دەنساۋلىق ساقتاۋ مينيسترٸنٸڭ اتىنا دەپۋتاتتىق ساۋال جولدادى, دەپ حابارلايدى "ۇلت اقپارات".
«ٶمٸرلەرٸ ٷشٸن اسا ماڭىزدى پرەپاراتتاردىڭ ۋاقىتىندا جەتكٸزٸلمەگەنٸنە بايلانىستى اۋىر دياگنوزدارى بار ادامداردىڭ سانسىز شاعىمدارى مەن ارىزدارى تٷسٸپ جاتىر. سەۋٸر ايىنىڭ ورتاسى بولعانىمەن, الايدا تٸزٸمدەگٸ دەرٸلٸك زاتتاردىڭ 70-كە جۋىق پوزيتسيياسى بويىنشا پرەپارات ساتىپ الىنباعان. سونىمەن بٸرگە وسى 70 تارماقتان باسقا, ساتىپ الىندى دەپ كٶرسەتٸلگەن 45 پوزيتسييا بويىنشا العاشقى جەتكٸزٸلۋ مەرزٸمٸ سەۋٸر ايىنان باستالادى, ال كەيبٸرەۋلەر تٸپتٸ 2021 جىلدىڭ قازان ايىنان باستاپ جەتكٸزٸلەدٸ ەكەن», - دەدٸ دەپۋتات.
ونىڭ ايتۋىنشا, 2021 جىلعا ارنالعان بٸرىڭعاي ديستريبيۋتوردان ساتىپ الىناتىن دەرٸلٸك زاتتاردىڭ, مەديتسينالىق بۇيىمداردىڭ تٸزٸمٸ دەنساۋلىق ساقتاۋ مينيسترلٸگٸنٸڭ بۇيرىعىمەن 2020 جىلدىڭ 28 شٸلدەسٸندە بەكٸتٸلگەن.
«ياعني, 2021 جىلدىڭ باستالۋىنا دەيٸن حالىقتى تەگٸن دەرٸلٸك زاتتارمەن قامتاماسىز ەتۋ بويىنشا مٸندەت الدىن الا بەلگٸلەندٸ. وسىعان قاراماستان مەنٸڭ رەسمي ساۋالدارىما سك-فارماتسييا اقپاراتى بويىنشا ونكولوگييالىق ناۋقاستار ٷشٸن L-اسپاراگينازا, ۆينبلاستين, دەنوزۋماب, مەتوترەكسات, تسيكلوفوسفاميد سەكٸلدٸ ٸسٸككە قارسى پرەپاراتتار ساتىپ الىنباعان», - دەدٸ ول.
عالىمجان ەلەۋوۆتٸڭ سٶزٸنە قاراعاندا, «تاموكسيفەن» دە كەش ەكەلٸندٸ.
بۇدان بٶلەك, «اناسترازول» جەنە «ينتەرفەرون الفا», «ونكو-بتسج» تولىق ەمەس كٶلەمدە جەتكٸزٸلدٸ.
«قازٸرگٸ كەزدە ونكولوگييالىق اۋرۋحانالاردىڭ ەسەبٸندە 180 مىڭنان استام ازامات تٸركەلگەن. ٶكٸنٸشكە قاراي, جىل سايىن ەلٸمٸزدە ولاردىڭ قاتارى 30 مىڭ ادامعا كٶبەيۋدە. بۇل ناۋقاستارعا ارنالعان دەرٸلەردٸڭ تٸپتٸ 10 كٷنگە كەشٸگٸپ جەتكٸزٸلۋٸ اۋىر جاعدايعا الىپ كەلۋٸ مٷمكٸن», - دەدٸ دەپۋتات.
مۇنىمەن قوسا ول تۋبەركۋلەزگە شالدىققان ناۋقاستارعا ارنالعان پرەپاراتتار دا ۋاقىتىندا جەتكٸزٸلمەگەنٸن اتاپ ٶتتٸ.
