© Photo : سس0 / Pexels
مەجٸلٸس دەپۋتاتى بەرٸك دٷيسەنبينوۆ اۋىل شارۋاشىلىعى مينيسترلٸگٸنەن مىڭداعان گەكتار جەرٸ بار ەكٸم-قارالاردىڭ اتى-جٶنٸن حالىققا جارييا ەتۋدٸ تالاپ ەتتٸ, دەپ حابارلايدى Sputnik قازاقستان.
پارلامەنت مەجٸلٸسٸندە ەكٸمشٸلٸك قۇقىقبۇزۋشىلىق تۋرالى كودەكسٸنە جەرلەردٸڭ پايدالانىلۋى مەن قورعالۋىن مەملەكەتتٸك باقىلاۋ مەسەلەلەرٸ بويىنشا ٶزگەرٸستەر ەنگٸزۋ تۋرالى زاڭ جوباسى بٸرٸنشٸ وقىلىمدا قارالدى.
سۇراق-جاۋاپ بارىسىندا دەپۋتات بەرٸك دٷيسەنبينوۆ مۋىل شارۋاشىلىعى مينيسترٸنە جايىلىمدىق جەرلەرگە زار بولىپ وتىرعان ەلدٸڭ سەلەمٸن جەتكٸزدٸ.
"جاقىندا ەلدەن كەلدٸك. قاي وبلىسقا بارماساڭىز, جولدىڭ وڭ جاعى دا, سول جاعى دا ەكٸمنٸڭ جەرٸ. قايتىپ جاتقان جەر جوق. مال ۇستاپ وتىرعان, ەگٸن ەگٸپ وتىرعان كٸسٸلەر جەرگە زەرۋ بولىپ وتىر. بٸراق قولى كٷشتٸلەر سول بۇرىنعى قالپىندا قالدى. مىنا جەردٸڭ يەلەرٸن شىعارىپ, تاقتاعا جازىپ قويۋعا كٸم كەدەرگٸ?", - دەپ اشۋلاندى مەجٸلٸسمەن.
وسى ورايدا ول وبلىستاردا مىڭداعان گەكتار جەر كٸمگە تيەسٸلٸ ەكەنٸن جايىپ سالدى.
"ٶسكەمەنگە بارساڭىز, جەردٸڭ بەرٸ – دانيال احمەتوۆتٸكٸ, پاۆلودارعا بارساڭىز – باقاۋوۆتٸكٸ, استانانىڭ ماڭايىندا – شٶكەەۆتٸكٸ. ونى ايتۋعا بەرٸ قورقىپ وتىر. جاڭا بايانداماڭىزدا مىڭداعان گەكتار جەر قايتارىلدى دەگەنٸڭٸز ٶتٸرٸك. حالىقتىڭ بەرٸ نارازى. مال ۇستاعان ادامدارعا جەر جەتپەي جاتىر. سونى سٸزدەر ەدەمٸ باياندامانىڭ ورنىنا ناقتى قاشان قولعا الاسىزدار, سونى ايتىڭىزشى. اتى-جٶنٸن جازىڭىزدار, تاقتاعا ٸلٸپ قويۋعا نەگە ۇيالاسىزدار? بۇرىنعى وتىرعان بايلار سولاي وتىر", - دەپ اشىندى دٷيسەنبينوۆ.
اۋىل شارۋاشىلىعى مينيسترٸ ەربول قاراشٶكەەۆ دەپۋتاتتىڭ سىنىن ورىنسىز دەپ اتادى.
"ەكٸمدەردٸڭ جەرٸنە تيٸسپەي, ولاردى قورعاپ وتىر دەگەندٸ مەن قابىلداي المايمىن. سەبەبٸ بيىل بٸز 5,2 ميلليون گەكتار جەردٸ قايتاردىق. كٸمدەردٸڭ جەرٸ ول? سول بۇرىن بولعان ەكٸمدەردٸڭ جەرلەرٸ, وليگارحتاردىڭ جەرلەرٸ. ەندٸگٸ جىلى دا تاعى 5 ملن گەكتار جەر قايتارامىز. ول جۇمىس جاندانادى", - دەپ جاۋاپ بەردٸ مينيستر.
ول مينيسترلٸك زاڭعا سەيكەس جۇمىس ٸستەيتٸنٸن اتاپ ٶتتٸ. ياعني كٸم بولسا دا, ەگەر ول جەردٸ زاڭدى تٷردە پايدالانىپ جاتسا, وعان ەشكٸم تيٸسە المايدى. ال زاڭنامانى بۇزىپ, پايدالانىپ جاتقانداردان جەر قايتارىلىپ جاتىر, دەپ سەندٸردٸ قاراشٶكەەۆ.
"جاڭا 5,2 ميلليون گەكتار جەر ٶتٸرٸك دەيسٸز. قازٸر ينتەراكتيۆتٸ كارتا دايىنداپ جاتىرمىز. دەپۋتاتتىق مٸنبەردەن ونداي سٶزدٸ ايتۋعا, مەنٸڭشە, بولمايدى. سەبەبٸ بٸز 5,2 ميلليون گەكتاردى كارتاعا جٷكتەپ, ەربٸر يەسٸن كٶرسەتۋگە دايىنبىز. بار جۇمىستى جوق دەپ ايتۋعا بولمايدى", - دەپ رەنجٸدٸ مينيستر.
وسى كەزدە بەرٸك دٷيسەنبينوۆ اۋىل شارۋاشىلىعى مينيسترٸنە ٶڭٸرلەرگە دەپۋتاتتارمەن بٸرگە شىعۋدى ۇسىندى.
"بەس ميلليون گەكتار ما, سونى بەرٸن كٶرسەتٸپ بەرٸڭٸزشٸ. كٶرەيٸك, حالىقتىڭ قايسى ريزا بولىپ وتىرعانىن. مەن سٸزگە ەلدٸڭ سٶزٸن ايتىپ وتىرمىن, ويدان شىعارىپ وتىرعان جوقپىن", - دەپ اشۋلاندى مەجٸلٸس دەپۋتاتى.
ەربول قاراشٶكەەۆ جاقىن ارادا قازاقستاندىقتار ينتەراكتيۆتٸ كارتادان مەملەكەتكە قايتارىلعان 2 ميلليون گەكتار جەردٸ كٶرە الاتىنىن ايتتى.
