جۋرناليست گٷلميرا ەبٸقاي ەگٸزدٸڭ اناسى كٶز جۇمعانىن مەلٸمدەدٸ, دەپ حابارلايدى ult.kz.
جۋرناليستكە مارقۇمنىڭ تۋىستارى حابارلاسىپ, كٶمەك سۇراعان. ەيەل ٶزٸ-ٶزٸنە قول جۇمساپ كٶز جۇمعان كٶرٸنەدٸ. بٸراق تۋىستارى وعان سەنبەيدٸ.
«مەنٸڭ اتتاسىم ەكەن, ەسٸمٸ گۋلميرا. جاس 29-دا. كٷيەۋگە تيگەنٸنە 3 جىل. 2 جاسار ەگٸز ۇل مەن قىزدىڭ اناسى. سوڭعى كٷنگە دەيٸن ەپكەلەرٸنە كٷيەۋٸنٸڭ ۇراتىنىن ايتپاي جاسىرىپ جٷرگەن. كەشە (26.07.26) تاڭعى 09:45 ٷش باۋىرىنىڭ باسىن قوسىپ, ۆاتساپ توپ اشىپ, ۆيدەوعا شىعادى. موينىن, قولىن وراپ العان دەيدٸ ماعان حابارلاسقان تۋعان ەپكەسٸ. كٷيەۋٸ ٷنەمٸ ۇرىپ-سوعاتىنىن سول كەزدە ايتىپ, جىلاپ, ەگٸزدەرٸن تابىستاپ, ٶمٸرمەن قوشتاسىپ كەتە بەرگەن», - دەپ جازدى جۋرناليست.
تۋىستارى مارقۇمنىڭ دەنەسٸن كٶرگەندە ٶز كٶزدەرٸنە سەنبەگەن. ەيەلدٸڭ دەنەسٸ كٶگەرٸپ, قولى سىنعان ەكەن. ەندٸ تۋىستارى ٸستٸڭ جىلى جابىلىپ كەتۋٸنەن قورقادى.
