جىل سوڭىنا دەيٸن قازاقستاندا ۇيالى بايلانىس ساپاسى مەن موبيلدٸ ينتەرنەتتٸڭ ساپاسى ارتادى. بۇل تۋرالى بٷگٸن ٷكٸمەتتە ٶتكەن باسپاسٶز مەسليحاتى بارىسىندا اقپارات جەنە كوممۋنيكاتسييالار مينيسترٸ دەۋرەن اباەۆ مەلٸم ەتتٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«ەلٸمٸزدە ينتەرنەت جاقسى دامىعان, ەسٸرەسە, قالالاردا. بٸراق, ينتەرنەت ٷنەمٸ جەتٸلٸپ تۇرادى. جەكەلەگەن مەسەلەلەر تۋىنداپ تۇرادى, بٸز ول مەسەلەلەردٸ شەشۋدٸ مىقتاپ قولعا الامىز. ياعني, قازٸر بٸز بٷكٸل قازاقستان بويىنشا راديوجيٸلٸك ستانسالارىن سالىپ جاتىرمىز. وسى ارقىلى ساندىق تەلەراديوتاراتۋعا كٶشەمٸز دە بوساعان جيٸلٸكتەردٸ ۇيالى وپەراتورعا بەرەمٸز. ۇيالى بايلانىس وپەراتورلارى وسى جيٸلٸكتەردٸڭ ارقاسىندا ۇيالى بايلانىس پەن ينتەرنەتتٸڭ ساپاسىن ارتتىرادى. راديوجيٸلٸك ستانسالارىن سالۋعا بەلگٸلٸ بٸر ۋاقىت كەرەك. جىل سوڭىنا دەيٸن, شامامەن 200 راديوجيٸلٸك ستانساسىن ورناتامىز, سول كەزدە ۇيالى بايلانىس پەن موبيلدٸ ينتەرنەتتٸڭ ساپاسى ەلدەقايدا ارتقانىن بايقايسىزدار», - دەدٸ مينيستر.
دەۋرەن اباەۆ سونداي-اق «قازاقتەلەكوم» اق ۇسىناتىن قىزمەت ساپاسىنا قاتىستى ايتىلىپ جاتقان سىن-پٸكٸرلەردٸ دە نازاردان تىس قالدىرمايتىنىن ايتتى.
