Jyl sońyna deiin Qazaqstanda uialy bailanys sapasy men mobildi internettiń sapasy artady. Bul týraly búgin Úkimette ótken baspasóz máslihaty barysynda Aqparat jáne kommýnikatsiialar ministri Dáýren Abaev málim etti, dep habarlaidy Ult.kz tilshisi QazAqparat agenttigine silteme jasap.
«Elimizde internet jaqsy damyǵan, ásirese, qalalarda. Biraq, internet únemi jetilip turady. Jekelegen máseleler týyndap turady, biz ol máselelerdi sheshýdi myqtap qolǵa alamyz. Iaǵni, qazir biz búkil Qazaqstan boiynsha radiojiilik stansalaryn salyp jatyrmyz. Osy arqyly sandyq teleradiotaratýǵa kóshemiz de bosaǵan jiilikterdi uialy operatorǵa beremiz. Uialy bailanys operatorlary osy jiilikterdiń arqasynda uialy bailanys pen internettiń sapasyn arttyrady. Radiojiilik stansalaryn salýǵa belgili bir ýaqyt kerek. Jyl sońyna deiin, shamamen 200 radiojiilik stansasyn ornatamyz, sol kezde uialy bailanys pen mobildi internettiń sapasy áldeqaida artqanyn baiqaisyzdar», - dedi ministr.
Dáýren Abaev sondai-aq «Qazaqtelekom» AQ usynatyn qyzmet sapasyna qatysty aitylyp jatqan syn-pikirlerdi de nazardan tys qaldyrmaitynyn aitty.
