مەملەكەت جەنە قوعام قايراتكەرٸ, تاريح عىلىمدارىنىڭ دوكتورى, جازۋشى دارحان قىدىرەلٸ حالىقارالىق «الاش» ەدەبي سىيلىعىمەن ماراپاتتالدى, دەپ حابارلايدى ult.kz.
سالتاناتتى ماراپاتتاۋ رەسٸمٸ قازاقستان جازۋشىلار وداعىنىڭ عيماراتىندا ٶتتٸ. جيىن بارىسىندا قازاقستان جازۋشىلار وداعى باسقارماسىنىڭ تٶراعاسى مەرەكە قۇلكەنوۆ دارحان قىدىرەلٸنٸڭ ۇلتتىق ەدەبيەتتانۋ عىلىمىن دامىتۋعا, تٷركٸ دٷنيەسٸنٸڭ ورتاق رۋحاني مۇراسىن زەرتتەۋگە جەنە قازاق مەدەنيەتٸن حالىقارالىق دەڭگەيدە ناسيحاتتاۋعا قوسقان ٷلەسٸن جوعارى باعالادى.
ونىڭ ايتۋىنشا, دارحان قىدىرەلٸنٸڭ الاش مۇراسى, تٷركٸ ٶركەنيەتٸ, قازاق ەدەبيەتٸنٸڭ تاريحى مەن رۋحاني ساباقتاستىعىنا ارنالعان عىلىمي ەڭبەكتەرٸ ەدەبيەتتانۋ مەن تٷركولوگييا عىلىمىنىڭ دامۋىنا ەلەۋلٸ ٷلەس قوسقان.
جيىندا اقىن, قازاقستان جازۋشىلار وداعى باسقارماسى تٶراعاسىنىڭ ورىنباسارى قاسىمحان بەگمانوۆ, فيلولوگييا عىلىمدارىنىڭ دوكتورى قانسەيٸت ەبدەزۇلى جەنە اقىن, «انا تٸلٸ» گازەتٸنٸڭ باس رەداكتورى ەرلان جٷنٸس سٶز سٶيلەپ, دارحان قىدىرەلٸنٸڭ «ەگەمەن قازاقستان» رەسپۋبليكالىق گازەتٸنە جەتەكشٸلٸك ەتكەن كەزەڭدەگٸ جەنە مەملەكەتتٸك قىزمەتتەگٸ ەڭبەگٸنە توقتالدى. ولار ونىڭ ۇلتتىق باسپاسٶزدٸڭ دامۋىنا, قوعامدىق پٸكٸردٸڭ قالىپتاسۋىنا جەنە ەلدٸڭ رۋحاني ٶمٸرٸنە قوسقان ٷلەسٸن اتاپ ٶتتٸ.
ٶز كەزەگٸندە دارحان قىدىرەلٸ جوعارى ماراپات ٷشٸن قازاقستان جازۋشىلار وداعىنا العىس بٸلدٸرٸپ, سوڭعى جىلدارى ۇيىمدا جٷزەگە اسىرىلىپ جاتقان جۇمىستارعا وڭ باعاسىن بەردٸ. ول جازۋشىلار وداعى عيماراتىندا جٷرگٸزٸلٸپ جاتقان كٷردەلٸ جٶندەۋ جۇمىستارى شىعارماشىلىق ورتاعا جاڭا سەرپٸن بەرەتٸنٸن ايتتى.
سونداي-اق ول ەدەبيەت سالاسى بويىنشا نوبەل سىيلىعىنىڭ لاۋرەاتى مو ياننىڭ قازاقستانعا كەلٸپ, جازۋشىلار وداعىندا وقىرماندارمەن كەزدەسۋٸ قازاق ەدەبيەتٸنٸڭ حالىقارالىق بەدەلٸن ارتتىرعان ماڭىزدى وقيعا بولعانىن اتاپ ٶتتٸ.
دارحان قىدىرەلٸ سٶز بارىسىندا قازاقستان جازۋشىلار وداعى مەن «كٸتاپ وقيتىن ۇلت – چيتايۋششايا ناتسييا» قوعامدىق قورى اراسىنداعى ىنتىماقتاستىق تۋرالى مەموراندۋمعا دا توقتالىپ, مۇنداي باستامالار كٸتاپ وقۋ مەدەنيەتٸن دامىتۋعا, جاستاردىڭ ەدەبيەتكە قىزىعۋشىلىعىن ارتتىرۋعا جەنە زەردەلٸ ۇلت قالىپتاستىرۋعا ىقپال ەتەتٸنٸن ايتتى.
