استانا مەديتسينا ۋنيۆەرسيتەتٸ كوروناۆيرۋسپەن كٷرەسكە قاجەتتٸ مەديتسينالىق ماماندىقتار بويىنشا دەرٸگەرلەردٸ قايتا دايىنداۋ باعدارلاماسىن ەزٸرلەدٸ. بۇل تۋرالى اتالعان وقۋ ورنىنىڭ كافەدرا مەڭەرۋشٸسٸ, مەديتسينا عىلىمدارىنىڭ كانديداتى نۇريلا مالتاباروۆا ايتتى, دەپ حابارلايدى قازاقپارات.
«بٷگٸنگٸ كٷنٸ استانا مەديتسينا ۋنيۆەرسيتەتٸندە زەرتحانالىق دياگنوستيكالاۋ دەرٸگەرلەرٸن دايىنداۋ, ٸندەت تالاپتارى بويىنشا قاجەتتٸ ٶزگە دە ماماندىق دەرٸگەرلەرٸن قايتا دايىنداۋ باعدارلاماسى ەزٸرلەندٸ. قايتا دايىنداۋ جۇمىستارى وسى جىلدىڭ 3 تامىزىنان باستالادى دەپ جوسپارلانۋدا. ەلٸمٸزدٸڭ 7 ٶڭٸرٸنە باعدارلامانىڭ دايىندالعانى تۋرالى اقپاراتتىق حات جٸبەرٸلدٸ. ٶتٸنٸم كٷتٸپ وتىرمىز. بٸز جاس مامانداردى قابىلداۋعا دايىنبىز», - دەدٸ نۇريلا مالتاباروۆا.
ال وسى وقۋ ورنىنىڭ بالالار ينفەكتسييالىق اۋرۋلارى كافەدراسىنىڭ مەڭگەرۋشٸسٸ, PhD دوكتورى, ينفەكتسيونيست-دەرٸگەر بايان تۇردالينا ينفەكتسيونيست, انەستەزيولوگ-رەانيماتولوگ بولعىسى كەلگەن دەرٸگەرلەردٸ قابىلداۋعا دايىن ەكەندەرٸن ايتتى.
