Astana meditsina ýniversiteti koronavirýspen kúreske qajetti meditsinalyq mamandyqtar boiynsha dárigerlerdi qaita daiyndaý baǵdarlamasyn ázirledi. Bul týraly atalǵan oqý ornynyń kafedra meńerýshisi, meditsina ǵylymdarynyń kandidaty Nurila Maltabarova aitty, dep habarlaidy QazAqparat.
«Búgingi kúni Astana meditsina ýniversitetinde zerthanalyq diagnostikalaý dárigerlerin daiyndaý, indet talaptary boiynsha qajetti ózge de mamandyq dárigerlerin qaita daiyndaý baǵdarlamasy ázirlendi. Qaita daiyndaý jumystary osy jyldyń 3 tamyzynan bastalady dep josparlanýda. Elimizdiń 7 óńirine baǵdarlamanyń daiyndalǵany týraly aqparattyq hat jiberildi. Ótinim kútip otyrmyz. Biz jas mamandardy qabyldaýǵa daiynbyz», - dedi Nurila Maltabarova.
Al osy oqý ornynyń Balalar infektsiialyq aýrýlary kafedrasynyń meńgerýshisi, PhD doktory, infektsionist-dáriger Baian Turdalina infektsionist, anesteziolog-reanimatolog bolǵysy kelgen dárigerlerdi qabyldaýǵa daiyn ekenderin aitty.
