ٶزبەكستاننىڭ سۇرحاندارييا وبلىسىندا سيرەك كەزدەسەتٸن تۋا بٸتكەن اقاۋمەن سەبي دٷنيەگە كەلدٸ, دەپ حابارلايدى ult.kz.
Daryo باسىلىمىنىڭ مەلٸمەتٸنشە, ۇل بالا 28 سەۋٸر كٷنٸ شەروبود اۋدانىندا تۋعان. كەيٸن ول سامارقاند قالاسىنداعى مەديتسينالىق ورتالىققا جەتكٸزٸلگەن.
مەديتسينالىق تەكسەرۋ بارىسىندا نەرەستەدەن تۋا بٸتكەن دامۋ اقاۋلارى انىقتالعان. دەرٸگەرلەر ەكٸ كٷردەلٸ حيرۋرگييالىق وتا جاساپ, ارتىق دەپ تانىلعان اياق-قولداردى الىپ تاستاعان. بەلگٸلٸ بولعانداي, ولاردىڭ ەكەۋٸ تولىق دامىماعان ەرٸ قوزعالىسسىز بولعان.
قازٸرگٸ تاڭدا سەبيدٸڭ جاعدايى تۇراقتى دەپ باعالانۋدا, الايدا وعان الداعى ۋاقىتتا قوسىمشا وپەراتسييالار قاجەت بولۋى مٷمكٸن.
ماماندار مۇنداي سيرەك پاتولوگييالاردا ٶمٸر سٷرۋ كٶرسەتكٸشٸ تٶمەن بولاتىنىن ايتادى. سوعان قاراماستان, دەرٸگەرلەر بالانىڭ ٶمٸرٸن ساقتاپ قالۋ ٷشٸن بارلىق قاجەتتٸ مەديتسينالىق كٶمەكتٸ كٶرسەتٸپ جاتىر.
Daryo دەرەگٸنە سەيكەس, جٷكتٸلٸك كەزٸندە اناسى 26 جەنە 36 اپتالاردا جوسپارلى سكرينينگتەن ٶتكەن, الايدا تەكسەرۋلەر بارىسىندا ناقتى پاتولوگييا انىقتالماعان. كەيٸن اۋرۋحانا ۋلترادىبىستىق زەرتتەۋ جٷرگٸزگەن ماماننىڭ جۇمىسىنا قاتىستى كەمشٸلٸكتەر بولعانىن مويىنداعان.
سامارقاند وبلىستىق دەنساۋلىق ساقتاۋ باسقارماسىنىڭ باسشىسى سۋحروب زاينيەۆتٸڭ ايتۋىنشا, نەرەستەدە سيرەك كەزدەسەتٸن سيام ەگٸزدەرٸنٸڭ تولىق دامىماعان تٷرٸ تٸركەلگەن.
