Ózbekstannyń Surhandariia oblysynda sirek kezdesetin týa bitken aqaýmen sábi dúniege keldi, dep habarlaidy ult.kz.
Daryo basylymynyń málimetinshe, ul bala 28 sáýir kúni Sherobod aýdanynda týǵan. Keiin ol Samarqand qalasyndaǵy meditsinalyq ortalyqqa jetkizilgen.
Meditsinalyq tekserý barysynda náresteden týa bitken damý aqaýlary anyqtalǵan. Dárigerler eki kúrdeli hirýrgiialyq ota jasap, artyq dep tanylǵan aiaq-qoldardy alyp tastaǵan. Belgili bolǵandai, olardyń ekeýi tolyq damymaǵan ári qozǵalyssyz bolǵan.
Qazirgi tańda sábidiń jaǵdaiy turaqty dep baǵalanýda, alaida oǵan aldaǵy ýaqytta qosymsha operatsiialar qajet bolýy múmkin.
Mamandar mundai sirek patologiialarda ómir súrý kórsetkishi tómen bolatynyn aitady. Soǵan qaramastan, dárigerler balanyń ómirin saqtap qalý úshin barlyq qajetti meditsinalyq kómekti kórsetip jatyr.
Daryo deregine sáikes, júktilik kezinde anasy 26 jáne 36 aptalarda josparly skriningten ótken, alaida tekserýler barysynda naqty patologiia anyqtalmaǵan. Keiin aýrýhana ýltradybystyq zertteý júrgizgen mamannyń jumysyna qatysty kemshilikter bolǵanyn moiyndaǵan.
Samarqand oblystyq densaýlyq saqtaý basqarmasynyń basshysy Sýhrob Zainievtiń aitýynsha, nárestede sirek kezdesetin siam egizderiniń tolyq damymaǵan túri tirkelgen.
