كٶپ جاعدايدا پارا بەرۋشٸلەر قاتارىن جەكە كومپانييالاردىڭ ٶكٸلدەرٸ باستاپ تۇرادى. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸ 1-شٸ دەپارتامەنتٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بيعايداروۆ مەلٸم ەتتٸ, دەپ حابارلايدى قازاقپارات.
ونىڭ سٶزٸنە قاراعاندا, ەلەۋمەتتٸك جاۋاپكەرشٸلٸكتٸڭ جەنە سىبايلاس جەمقورلىقتىڭ سالدارىنان قوعامدا بولىپ جاتقان زارداپتاردىڭ جٷگٸ اۋىر. ونىڭ زاردابى تەك جەمقوردىڭ ٶزٸنە تيٸپ قويماي, سونىمەن بٸرگە ونىڭ ۇرپاعىنا, جاقىن تۋىستارىنا دا قارا كٷيە بولىپ جاعىلادى.
«تالداۋ كٶرسەتكەندەي, كٶپ جاعدايدا پارا بەرۋشٸلەر قاتارىن جەكە كومپانييالاردىڭ ٶكٸلدەرٸ باستاپ تۇرادى. ولار لاۋازىمدى تۇلعالاردى پاراعا ساتىپ الۋ ارقىلى كەسٸپكەرلٸك قىزمەتتٸ قولايلى ٸسكە اسىرۋ (كەدەندٸك رەسٸمدەردٸ جەڭٸلدەتۋ جەنە جەدەلدەتۋ, ليتسەنزييالار, سەرتيفيكاتتار, رۇقساتتار الۋ جەنە ت.ب.), ورىندالعان جۇمىستاردىڭ اكتٸلەرٸنە كەدەرگٸسٸز قول قويۋ, مەملەكەتتٸك ساتىپ الۋ شارتتارى بويىنشا اقشا اۋدارۋ مەسەلەلەرٸن شەشەدٸ. كەسٸپكەرلەرگە پارا بەرەر الدىندا ويلانۋ كەرەكتٸگٸن ەسكە سالىپ, ەسكەرتكٸم كەلەدٸ. سونىڭ سالدارىنان ولار بەلگٸلٸ بٸر قىزمەتپەن اينالىسۋ قۇقىعىنان, ليتسەنزييالاردان, سەرتيفيكاتتاردان, رۇقساتتاردان ايىرىلۋى جەنە مەملەكەتتٸك ساتىپ الۋعا جوسىقسىز قاتىسۋشىلاردىڭ تٸزٸلٸمٸنە ەنگٸزٸلۋٸ مٷمكٸن», - دەدٸ دانييار بيعايداروۆ.
مۇنداي جاعدايدا بيزنەسمەندەر تابىس كٶزٸنەن ايىرىلىپ قانا قويماي, قىزمەتكەرلەرٸن جۇمىسسىز قالدىرادى.
«حالىقارالىق تەجٸريبەدە زاڭنامالىق دەڭگەيدە بەكٸتٸلگەن بيزنەستٸ جٷرگٸزۋدٸڭ ارنايى ستاندارتتارى مەن ەتيكاسى قولدانىلادى. ەگەر ولار ورىندالماسا, ارام قولدى كەسٸپكەرلەرگە تٷرلٸ سانكتسييالار قولدانىلادى. پارا بەرۋ سيياقتى قىلمىس قۇرامىنىڭ قوعامدىق قاۋٸپتٸلٸگٸن پارا الۋمەن سالىستىرۋعا بولاتىندىعىن اتاپ ٶتكەن جٶن. ياعني, «پارا بەرۋشٸ دە, پارا الۋشى دا – قىلمىسكەر ەكەنٸ حاق». سوندىقتان مۇنداي ادامداردىڭ ٸس-ەرەكەتتەرٸ پارا الۋشىنىڭ ٸس-ەرەكەتٸنەن كەم ەمەس قوعامدىق قاۋٸپكە يە», - دەدٸ اگەنتتٸك ٶكٸلٸ.
