"رەسەيدٸڭ ارنايى قىزمەتٸمەن بايلانىسى بار حاكەرلەرٸ دانييا قورعانىس مينيسترلٸگٸنٸڭ ەلەكتروندىق پوچتالارىن بۇزىپ, ەكٸ جىل بويى اڭدۋ جاساعان بولۋى مٷمكٸن", - دەپ حابارلادى قورعانىس مينيسترلٸگٸنە سٸلتەمە جاساعان Berlingske باسىلىمى.
مينيسترلٸك كيبەرشابۋىلدى "Fancy Bear" حاكەرلەر توبى جاساعانىن جەنە ونىڭ ٸس-قيمىلى اقش-تىڭ دەموكراتييالىق پارتيياسىنىڭ سەرۆەرلەرٸنە جاسالعان شابۋىلدارعا ۇقساس ەكەنٸن ايتادى.
دانييانىڭ قورعانىس مينيسترٸ كلاۋس حورد فرەدەريكسەن حاكەرلەردٸڭ رەسەي بيلٸگٸنٸڭ ورتالىق ورگاندارىمەن جەنە بارلاۋ قىزمەتٸمەن "تٸكەلەي" بايلانىستا ەكەنٸن مەلٸمدەدٸ. بٸراق ول حاكەرلەردٸڭ ناقتى قانداي مەلٸمەتتەرگە يە بولعانىن ايتپادى.
دانييانىڭ ەسكەري بارلاۋ قىزمەتٸ حاكەرلەردٸڭ 2015-2016 جىلدارى العان اقپاراتتارى قۇپييا ەمەسٸن, بٸراق كيبەرشابۋىلدىڭ ٶزٸ ەلدٸڭ اقپاراتتىق قاۋٸپسٸزدٸگٸنە كەدٸمگٸدەي قاۋٸپ تٶندٸرەتٸنٸن حابارلادى. ۆەدومستۆونىڭ مەلٸمەتٸنشە, ۇرلانعان اقپاراتتاردى رەسەي اگەنتتەردٸ بوپسالاۋ ٷشٸن پايدالانۋى مٷمكٸن.
ٶزدەرٸن "Fancy Bear" دەپ اتايتىن حاكەرلەر توبىنىڭ اقش دەموكراتييالىق پارتيياسىنىڭ, گەرمانييا پارلامەنتٸ مەن فرانتسييانىڭ TV5 تەلەارناسىنىڭ سەرۆەرلەرٸن بۇزىپ كٸرۋگە قاتىسى بار. بۇل توپ سونىمەن قاتار ونداعان ەلدەردٸڭ ەلشٸلٸكتەرٸنە, ارگەنتينا, تٷركييا, وڭتٷستٸك كورەيا, ۋكراينانىڭ قورعانىس مينيسترلٸكتەرٸ مەن ناتو ٶكٸلدەرٸنە دە حاكەرلٸك شابۋىل جاساعان. ولار رەسەي بيلٸگٸمەن بايلانىسى بار دەپ بٸرنەشە رەت ايىپتالعانىمەن, كرەمل ايىپتى جوققا شىعارعان.
ازاتتىق
