ٷكٸمەت ٷيٸندە قر پرەمەر-مينيسترٸ ەليحان سمايىلوۆتىڭ تٶراعالىعىمەن داعدارىسقا قارسى شارالار جٶنٸندەگٸ جەدەل شتابتىڭ كەزەكتٸ وتىرىسى ٶتتٸ, دەپ حابارلايدى primeminister.kz.
وتىرىستا كٶلٸك جەنە ساۋدا مەسەلەلەرٸ قارالدى. جەدەل شەشٸمدٸ تالاپ ەتەتٸن نەگٸزگٸ مەسەلەلەردٸڭ بٸرٸ – تۋىنداعان كٶلٸكتٸك-لوگيستيكالىق پروبلەمالاردى شەشۋ.
پرەمەر-مينيستر قازاقستاندىق جٷكتەردٸڭ ترانزيتٸ بويىنشا ەزەربايجانمەن جەنە گرۋزييامەن كەلٸسسٶزدەر نەتيجەلەرٸن ەسكەرە وتىرىپ, جەدەل شارالار قابىلداۋدى جەنە بالامالى كٶلٸك دەلٸزدەرٸن پايدالانۋ مٷمكٸندٸگٸن قاراستىرۋدى تاپسىردى.
وسى ورايدا سمايىلوۆ قازاقستاندىق جٷكتەردٸ تاسىمالداۋ تاريفتەرٸن تٶمەندەتۋدٸڭ ماڭىزدىلىعىن اتاپ ٶتتٸ.
سونىمەن قاتار سىرتقى ساۋدا جاعدايلارىنىڭ ٶزگەرۋٸنە, ونىڭ ٸشٸندە ۇلتتىق ۆاليۋتا باعامىنىڭ اۋىتقۋىنا, شەتەلدٸك شيكٸزات, ماتەريالدار مەن تاۋارلاردى جەتكٸزۋ تٸزبەكتەرٸنٸڭ ٶزگەرۋٸنە بايلانىستى 140-قا جۋىق ٶتٸنٸش قارالدى.
قر پرەمەر-مينيسترٸنٸڭ ورىنباسارى باقىت سۇلتانوۆتىڭ ايتۋىنشا, بيزنەس ٶكٸلدەرٸنٸڭ ٶتٸنٸشتەرٸن ناقتى پىسىقتاۋ بويىنشا جۇمىس جٷرگٸزٸلٸپ جاتىر. اتاپ ايتقاندا, تسەمەنت سالاسىنداعى, جەڭٸل ٶنەركەسٸپتەگٸ, اككۋمۋلياتورلار, كابەل-ٶتكٸزگٸش ٶنٸمدەرٸن ٶندٸرۋشٸ 16 قازاقستاندىق كەسٸپورنىنىڭ پروبلەمالىق مەسەلەلەرٸ قارالدى.
قازاقستاندىق ٶندٸرۋشٸ-ەكسپورتتاۋشىلاردى قولداۋ جەنە ىنتالاندىرۋ ٷشٸن ٷكٸمەت قاجەتتٸ قارجىلىق جەنە سەرۆيستٸك قولداۋ شارالارىن كٶرسەتەدٸ. قازٸرگٸ ۋاقىتتا 1,5 ملن توننادان استام ازىق-تٷلٸك كٶلەمٸندە ەلەۋمەتتٸك ماڭىزى بار ازىق-تٷلٸك تاۋارلارىنىڭ جەتكٸلٸكتٸ قورى قالىپتاستىرىلدى. قازاقستان رەسپۋبليكاسى ساۋدا جەلٸلەرٸ وداعىنىڭ اقپاراتىنا سەيكەس, ساۋدا ورىندارىنداعى قور حالىقتىڭ تاياۋ ۋاقىتتاعى قاجەتتٸلٸگٸن قامتاماسىز ەتەدٸ.
ٶندٸرٸستە يمپورتتىق تاۋارلاردى پايدالاناتىن ٶندٸرۋشٸلەردٸڭ ەكونوميكالىق بەلسەندٸلٸگٸن قولداۋ, سونداي-اق ٸشكٸ نارىقتى ازىق-تٷلٸكپەن تولىقتىرۋ ٷشٸن پرەمەر-مينيستر ەكونوميكاعا ەسەر ەتەتٸن تاۋارلارعا يمپورتتىق كەدەندٸك باجداردى الىپ تاستاۋ مەسەلەسٸن قاراستىرۋدى تاپسىردى.
جەدەل شتابتىڭ كەلەسٸ وتىرىسى 10 ناۋرىزدا ٶتەدٸ.
