فوتو: قفف
قازاق فۋتبولىنىڭ جاس جۇلدىزى داستان سەتپاەۆتىڭ نارىقتاعى باعاسى كٷرت ٶستٸ. Transfermarkt پورتالىنىڭ دەرەگٸنشە, ويىنشىنىڭ ترانسفەر قۇنى 1,2 ميلليون ەۋرودان 3 ميلليون ەۋروعا دەيٸن كٶتەرٸلگەن, دەپ حابارلايدى Ult.kz.
وسىلايشا سەتپاەۆ بٷگٸندە قازاقستانداعى ەڭ قىمبات فۋتبولشى اتانىپ وتىر. بۇعان دەيٸن بۇل مەرتەبە باقتيەر زاينۋتدينوۆقا تيەسٸلٸ بولاتىن. قازٸرگٸ باعالاۋعا ساي, سەتپاەۆتىڭ قۇنى زاينۋتدينوۆتٸكٸنەن شامامەن 200 مىڭ ەۋروعا جوعارى.
فۋتبول ساراپشىلارىنىڭ پٸكٸرٸنشە, جاس سپورتشىنىڭ ەلەۋەتٸ زور. كەلەسٸ جىلى داستان سەتپاەۆ 18 جاسقا تولعان سوڭ, اعىلشىننىڭ ەيگٸلٸ “چەلسي” كلۋبىمەن كەلٸسٸمشارتقا وتىرادى دەپ كٷتٸلۋدە. ماماندار بۇل اۋىسىم جاس تالانتتىڭ باعاسىن ودان ەرٸ ارتتىرادى دەگەن سەنٸمدە.
ايتا كەتسەك, “چەلسيدەگٸ” ەڭ تٶمەن باعالانعان قاقپاشى گابريەل سلونينا شامامەن 4 ميلليون ەۋرو تۇرادى. ول دا اعىلشىن كلۋبىنا كەلمەي تۇرىپ, 2–2,5 ميلليون ەۋرو دەڭگەيٸندە باعالانعان ەدٸ.
ساراپشىلار داستان سەتپاەۆتىڭ مىسالى قازاق فۋتبولىنىڭ جاڭا بۋىنىنىڭ ەلەۋەتٸن كٶرسەتەدٸ دەپ سانايدى.
