Foto: QFF
Qazaq fýtbolynyń jas juldyzy Dastan Sátpaevtyń naryqtaǵy baǵasy kúrt ósti. Transfermarkt portalynyń dereginshe, oiynshynyń transfer quny 1,2 million eýrodan 3 million eýroǵa deiin kóterilgen, dep habarlaidy Ult.kz.
Osylaisha Sátpaev búginde Qazaqstandaǵy eń qymbat fýtbolshy atanyp otyr. Buǵan deiin bul mártebe Baqtier Zainýtdinovqa tiesili bolatyn. Qazirgi baǵalaýǵa sai, Sátpaevtyń quny Zainýtdinovtikinen shamamen 200 myń eýroǵa joǵary.
Fýtbol sarapshylarynyń pikirinshe, jas sportshynyń áleýeti zor. Kelesi jyly Dastan Sátpaev 18 jasqa tolǵan soń, aǵylshynnyń áigili “Chelsi” klýbymen kelisimshartqa otyrady dep kútilýde. Mamandar bul aýysym jas talanttyń baǵasyn odan ári arttyrady degen senimde.
Aita ketsek, “Chelsidegi” eń tómen baǵalanǵan qaqpashy Gabriel Slonina shamamen 4 million eýro turady. Ol da aǵylshyn klýbyna kelmei turyp, 2–2,5 million eýro deńgeiinde baǵalanǵan edi.
Sarapshylar Dastan Sátpaevtyń mysaly qazaq fýtbolynyń jańa býynynyń áleýetin kórsetedi dep sanaidy.
