قازاقستاندىقتاردىڭ زەينەتاقى جيناقتارىنىڭ ەڭ تٶمەنگٸ جەتكٸلٸكتٸلٸك شەگٸن ەسەپتەۋدٸڭ جاڭا تەرتٸبٸ 5 ماۋسىمنان باستاپ كٷشٸنە ەنەدٸ. وسىعان بايلانىستى قازٸرگٸ تالاپتار بويىنشا زەينەتاقى جيناعىنىڭ بٸر بٶلٸگٸن پايدالانعىسى كەلەتٸن ازاماتتار ٶتٸنٸمدٸ بٷگٸن, 4 ماۋسىمعا دەيٸن تاپسىرىپ ٷلگەرۋٸ قاجەت, دەپ حابارلايدى ult.kz.
بۇعان دەيٸن پرەمەر-مينيستر ولجاس بەكتەنوۆ ەڭ تٶمەنگٸ جەتكٸلٸكتٸلٸك شەگٸن ەسەپتەۋ ەدٸستەمەسٸن ٶزگەرتۋ تۋرالى قاۋلىعا قول قويعان بولاتىن. بۇل كٶرسەتكٸش – ازاماتتىڭ بولاشاق زەينەتاقى تٶلەمدەرٸن قامتاماسىز ەتۋ ٷشٸن بٸرىڭعاي جيناقتاۋشى زەينەتاقى قورىنداعى (بجزق) شوتىندا قالۋى تيٸس ەڭ تٶمەنگٸ سوما.
قولدانىستاعى ەرەجە بويىنشا جەتكٸلٸكتٸلٸك شەگٸنەن اساتىن قاراجاتتى تۇرعىن ٷي جاعدايىن جاقسارتۋعا, ەمدەلۋگە نەمەسە ينۆەستيتسييالىق باسقارۋعا بەرۋگە بولادى. الايدا 5 ماۋسىمنان باستاپ بۇل شەك جاڭا فورمۋلا ارقىلى ەسەپتەلەدٸ.
جاڭا ەدٸستەمە ازاماتتىڭ جاسىن, ٶمٸر سٷرۋ ۇزاقتىعىن, ەڭ تٶمەنگٸ زەينەتاقى مٶلشەرٸن, بولاشاق جارنالاردى, ينۆەستيتسييالىق تابىستى جەنە ٶزگە دە كٶرسەتكٸشتەردٸ ەسكەرەدٸ. ياعني مەملەكەت ادامنىڭ زەينەت جاسىنا جەتكەنگە دەيٸنگٸ جەنە ودان كەيٸنگٸ قارجىلىق قاجەتتٸلٸكتەرٸن ەسەپتەپ, شوتتا قالۋعا تيٸس سومانى انىقتايدى.
«وتباسى بانكٸنٸڭ» مەلٸمەتٸنشە, ٶتٸنٸمدەردٸڭ قازٸرگٸ تالاپتار بويىنشا قارالۋى ٷشٸن ولاردى 4 ماۋسىم كٷنٸ قوسا العاندا enpf-otbasy.kz پلاتفورماسى ارقىلى رەسٸمدەپ, قول قويىپ, جولداۋ قاجەت. وسى مەرزٸمنەن كەيٸن بەرٸلگەن ٶتٸنٸمدەر جاڭا تالاپتار نەگٸزٸندە قارالادى.
ەڭبەك جەنە حالىقتى ەلەۋمەتتٸك قورعاۋ مينيسترلٸگٸ تۇرعىن ٷي ساتىپ الۋ, يپوتەكانى ٶتەۋ, ەمدەلۋ نەمەسە ينۆەستيتسييالىق باسقارۋعا بەرۋ مٷمكٸندٸگٸ ساقتالاتىنىن مەلٸمدەدٸ. سونىمەن قاتار ۆەدومستۆو زەينەتاقى جيناقتارىنىڭ نەگٸزگٸ ماقساتى ازاماتتاردى زەينەت جاسىندا قارجىلىق تۇرعىدان قامتاماسىز ەتۋ ەكەنٸن ەسكە سالدى.
ايتا كەتەيٸك, ارتىق جيناقتى تۇرعىن ٷي ساتىپ الۋعا, يپوتەكانى جابۋعا, «وتباسى بانكٸندەگٸ» دەپوزيتكە اۋدارۋعا, قىمبات ەمدەلۋ قىزمەتتەرٸن تٶلەۋگە نەمەسە ينۆەستيتسييالىق پورتفەلدٸ باسقارۋشىعا سەنٸمگەرلٸك باسقارۋعا بەرۋگە بولادى.
