2020 جىلى سالىق تٷسٸمدەرٸنٸڭ تٶمەندەۋٸ 2,4 ترلن تەڭگەگە باعالانادى. بۇل تۋرالى ٷكٸمەت وتىرىسىندا قر قارجى مينيسترٸ ەرۇلان جاماۋباەۆ ايتتى, دەپ حابارلايدى "ۇلت اقپارات".
«جالپى پاندەميياعا بايلانىستى 2020 جىلى سالىق تٷسٸمدەرٸنٸڭ تٶمەندەۋٸ 2,4 ترلن تەڭگەگە باعالانادى. بۇل رەتتە, ەسەپتٸ كەزەڭدە نەگٸزٸنەن سالىقتىق-كەدەندٸك ەكٸمشٸلەندٸرۋدٸ جەتٸلدٸرۋ مەن تسيفرلاندىرۋدىڭ ەسەبٸنەن 710 ملرد تەڭگە قوسىمشا تٷسٸمدەر قامتاماسىز ەتٸلدٸ. استانا-1 اقپاراتتىق جٷيەسٸ ەنگٸزٸلگەننەن باستاپ, كەدەندٸك دەكلاراتسييالار 100 پايىز قاشىقتان ۇسىنىلادى. ەگەر بۇرىن بٸز ٶنٸم بەرۋشٸلەر مەن ساتىپ الۋشىلار اراسىنداعى مەمٸلەلەردٸ تەك ەسەپتٸ كەزەڭ اياقتالعاننان كەيٸن, ياعني جارتى جىلدان كەيٸن عانا كٶرەتٸن بولساق, قازٸر ەلەكتروندىق شوت-فاكتۋرالار ەسەبٸنەن ونلاين رەجيمدە كٶرە الامىز», - دەدٸ قارجى مينيسترٸ.
ونىڭ ايتۋىنشا, نەتيجەسٸندە كامەرالدىق باقىلاۋ تيٸمدٸلٸگٸنٸڭ 1,5 ەسە ٶسۋٸ قامتاماسىز ەتٸلدٸ. سۋبەكتٸلەرگە تەكسەرٸسپەن شىقپاي-اق, ولار ٶزدەرٸ بيۋدجەتكە 490 ملرد تەڭگە تٶلەدٸ. 2020 جىلدان باستاپ ونلاين باقىلاۋ-كاسسا ماشينالارىن قولدانۋعا جاپپاي كٶشۋ جٷرگٸزٸلدٸ. قازٸرگٸ ۋاقىتتا ونلاين باقىلاۋ-كاسسا ماشينالارىنىڭ ٷلەسٸ 97 پايىزعا جەتتٸ.
«بيىل تسيفرلاندىرۋدى كەڭەيتۋ بويىنشا شارالار قابىلداۋ جالعاساتىن بولادى. ونىڭ ٸشٸندە قوسىلعان قۇن سالىعىن تٶلەۋدٸڭ دۇرىستىعىن ونلاين ەكٸمشٸلەندٸرۋ ٷشٸن بلوكچەين تەحنولوگيياسىن ەنگٸزۋ, ٸرٸ سالىق تٶلەۋشٸلەردٸڭ «گوريزونتالدى مونيتورينگٸن» جەتٸلدٸرۋ, سالىقتان جالتارۋدىڭ ترانسۇلتتىق سحەمالارىن انىقتاۋ ٷشٸن ەكونوميكالىق ىنتىماقتاستىقتى دامىتۋ ۇيىمىمەن جەنە حالىقارالىق ۇيىمدارمەن مەلٸمەتتەر الماسۋ جوسپارلانۋدا», - دەدٸ مينيستر.
