2020 jyly salyq túsimderiniń tómendeýi 2,4 trln teńgege baǵalanady. Bul týraly Úkimet otyrysynda QR Qarjy ministri Erulan Jamaýbaev aitty, dep habarlaidy "Ult aqparat".
«Jalpy pandemiiaǵa bailanysty 2020 jyly salyq túsimderiniń tómendeýi 2,4 trln teńgege baǵalanady. Bul rette, esepti kezeńde negizinen salyqtyq-kedendik ákimshilendirýdi jetildirý men tsifrlandyrýdyń esebinen 710 mlrd teńge qosymsha túsimder qamtamasyz etildi. Astana-1 aqparattyq júiesi engizilgennen bastap, kedendik deklaratsiialar 100 paiyz qashyqtan usynylady. Eger buryn biz ónim berýshiler men satyp alýshylar arasyndaǵy mámilelerdi tek esepti kezeń aiaqtalǵannan keiin, iaǵni jarty jyldan keiin ǵana kóretin bolsaq, qazir Elektrondyq shot-faktýralar esebinen onlain rejimde kóre alamyz», - dedi Qarjy ministri.
Onyń aitýynsha, nátijesinde kameraldyq baqylaý tiimdiliginiń 1,5 ese ósýi qamtamasyz etildi. Sýbektilerge tekserispen shyqpai-aq, olar ózderi biýdjetke 490 mlrd teńge tóledi. 2020 jyldan bastap onlain baqylaý-kassa mashinalaryn qoldanýǵa jappai kóshý júrgizildi. Qazirgi ýaqytta onlain baqylaý-kassa mashinalarynyń úlesi 97 paiyzǵa jetti.
«Biyl tsifrlandyrýdy keńeitý boiynsha sharalar qabyldaý jalǵasatyn bolady. Onyń ishinde qosylǵan qun salyǵyn tóleýdiń durystyǵyn onlain ákimshilendirý úshin blokchein tehnologiiasyn engizý, iri salyq tóleýshilerdiń «gorizontaldy monitoringin» jetildirý, salyqtan jaltarýdyń transulttyq shemalaryn anyqtaý úshin Ekonomikalyq yntymaqtastyqty damytý uiymymen jáne halyqaralyq uiymdarmen málimetter almasý josparlanýda», - dedi ministr.
