© SERGIO ALVES SANTOS/UNSPLASH
قازاقستاندا اراق, الكوگول جەنە كونياك ساتىلىمى ەكٸ ەسە ٶسكەن. وسىلايشا, بىلتىر سپيرت ٸشٸمدٸكتەردٸ ساتۋ دەڭگەيٸ رەكورد كٶرسەتكٸشكە جەتكەن, - دەپ حابارلايدى Massaget.kz پورتالى Energyprom.kz-كە سٸلتەمە جاساپ.
2022 جىلى دٷكەندەردە 139,9 ميلليون ليتردەن اسا اراق, كونياك جەنە الكوگول ساتىلعان. بۇل - ەلدەگٸ سپيرت ٸشٸمدٸكتەر نارىعىن ستاتيستيكالىق تۇرعىدان باقىلاۋ تاريحىنداعى ابسوليۋت رەكورد. 2021 جىلمەن سالىستىرعاندا, ٸشكٸ نارىقتا الكوگولدٸ ساتۋ كٶلەمٸ 90,4 پايىزعا ٶسكەن.
بٸرٸنشٸ كەزەكتە اراق پەن الكوگول ٶنٸمدەرٸ ساتىلعان. ولاردىڭ ساتىلىمى ەكٸ ەسەدەن دە ارتىق ٶستٸ: 44,2 ميلليوننان 90,1 ميلليون ليترگە دەيٸن. سپيرتتٸ ساتۋ كٶلەمٸ دە ٶستٸ: ياعني 29,3 ميلليون ليتر (ٶسٸم 68,1 پايىز). كونياك تا كٶبٸرەك ساتىلعان: 20,5 ميلليون ليتر, 73,5 پايىز ٶسٸممەن.
بىلتىر شاراپ 26,9 پايىزعا, شامپان 28 پايىزعا, سىرا 1,9 پايىعا از ساتىلعان. 2022 جىلى ەلدە 121,1 ميلليون ليتر سپيرت ٸشٸمدٸكتەر ٶندٸرٸلدٸ, ٶسٸم ەكٸ ەسەگە جۋىق (98,7 پايىز). سونىمەن قاتار, اراق بٸردەن 2,1 ەسە, ال كونياك 2021 جىلمەن سالىستىرعاندا 83,7 پايىزعا كٶپ ٶندٸرٸلدٸ. ال سىرا مەن شامپان شىعاراتىن كومپانييالاردىڭ ٶندٸرٸستٸك كٶرسەتكٸشتەرٸ تٶمەندەدٸ.
بىلتىر ەلگە 33,8 ملن ليتر الكوگول (ٶسٸم 52,5 پايىز) ەكەلٸندٸ. بۇل كٶلەمنٸڭ جارتىسىنا جۋىعى اراق بولدى (14 ميلليون ليتر, ٶسٸم 45,4 پايىز).
بىلتىر الكوگول سۋسىندار 14,8 پايىزعا قىمباتتادى, ال كەيٸنگٸ جىلدارى مۇنداي تاۋارلاردىڭ تۇتىنۋ باعالارىنىڭ يندەكسٸ 7 پايىز بەن 10 پايىز ارالىعىندا ٶزگەردٸ.
بەرٸنەن بۇرىن سىرا قىمباتتاپ, باعا 18,9 پايىزعا ٶستٸ. ودان كەيٸن اراق 13,8 پايىزعا قىمباتتادى.
