جاساندى ينتەللەكتٸنٸڭ قارقىندى دامۋىنا بايلانىستى ونىڭ ىقتيمال قاۋٸپتەرٸن باقىلاۋ مەسەلەسٸ حالىقارالىق كٷن تەرتٸبٸنە شىقتى. بۇۇ باس حاتشىسى انتونيۋ گۋتەرريش مەملەكەتتەردٸ جي-دٸ دامىتۋعا ورتاق قاۋٸپسٸزدٸك ەرەجەلەرٸن ەنگٸزۋگە شاقىردى, دەپ حابارلايدى ult.kz «24KZ»-كە سٸلتەمە جاساپ.
گۋتەرريشتٸڭ ايتۋىنشا, جاساندى ينتەللەكتٸنٸ قاۋٸپسٸز ەرٸ جاۋاپتى دامىتۋ ٷشٸن حالىقارالىق ىنتىماقتاستىق قاجەت. بۇل مەسەلە نيۋ-يوركتە ٶتەتٸن بۇۇ باس اسسامبلەياسىنىڭ كٷن تەرتٸبٸندەگٸ نەگٸزگٸ تاقىرىپتاردىڭ بٸرٸنە اينالماق.
«بٸزگە جاساندى ينتەللەكتٸنٸ قاۋٸپسٸز, سەنٸمدٸ جەنە جاۋاپتى دامىتۋ جولدارىن ورتاق تٷسٸنۋ قاجەت. بۇل ادال حالىقارالىق ىنتىماقتاستىق پەن ٷيلەستٸرٸلگەن جاھاندىق كٷش-جٸگەردٸ تالاپ ەتەدٸ», – دەدٸ بۇۇ باس حاتشىسى.
بۇۇ ساراپشىلارىن الاڭداتىپ وتىرعان مەسەلەلەردٸڭ بٸرٸ – تسيفرلىق تەحنولوگييالار مەن وراسان زور دەرەكتەردٸڭ از عانا ەلدەر مەن ٸرٸ تەحنولوگييالىق كومپانييالاردىڭ قولىندا شوعىرلانۋى. ۇيىم مۇنداي جاعدايدا جاساندى ينتەللەكتٸنٸڭ بەلگٸلٸ بٸر توپتاردىڭ مٷددەسٸنە پايدالانىلۋ قاۋپٸن اتاپ ٶتتٸ.
بۇل مەسەلەگە تەحنولوگييا سالاسىنىڭ ٶكٸلدەرٸ دە نازار اۋدارىپ وتىر. Anthropic كومپانيياسىنىڭ باسشىسى داريو امودەي قۋاتتى نەيروجٷيەلەردٸ ەزٸرلەۋ قارقىنىن بەسەڭدەتۋگە شاقىردى. ونىڭ پٸكٸرٸنشە, جي-دٸڭ دامۋ جىلدامدىعى قاۋٸپسٸزدٸك شارالارىنىڭ ەنگٸزٸلۋٸنەن وزىپ بارادى.
امودەي اۆتونومدى جي-اگەنتتەرٸ جاقىن ارادا اۋقىمدى ەكونوميكالىق زييان كەلتٸرۋٸ مٷمكٸن ەكەنٸن ايتقان. ونىڭ ۇسىنىسىن OpenAI نەگٸزٸن قالاۋشى سەم التمان, Google DeepMind باسشىسى دەميس حاسسابيس جەنە يلون ماسك تا قولداعان.
Microsoft AI باسشىسى مۇستافا سۋلەيمان دا جي-گە تولىق اۆتونومييا بەرۋدٸڭ ىقتيمال سالدارىنا نازار اۋداردى. ونىڭ پٸكٸرٸنشە, ادامدار ٶزدٸگٸنەن ماقسات قويا الاتىن, قارجى باسقارىپ, اكتيۆتەرگە يەلٸك ەتەتٸن جٷيەلەردٸ جاساسا, ولار رەسۋرستار ٷشٸن ادامزاتپەن بەسەكەلەسۋٸ مٷمكٸن.
سونىمەن قاتار اقش-تا جي سالاسىنداعى تەحنولوگييالىق بەسەكەلەستٸك جالعاسىپ جاتىر. اقش پرەزيدەنتٸ دونالد ترامپ جاساندى ينتەللەكتٸنٸڭ دامۋىن شەكتەيتٸن قاتاڭ رەتتەۋگە قارسى ەكەنٸن ايتىپ, ەلدە «جاساندى ينتەللەكت كٷشتەرٸن» قۇرۋ جوسپارىن جارييالاعان.
ال اقش پەن قىتاي جي مەسەلەلەرٸ بويىنشا ديالوگتى جالعاستىرۋعا كەلٸستٸ. تاراپتار ۇلتتىق قاۋٸپسٸزدٸككە قاۋٸپ تٶندٸرۋٸ مٷمكٸن وقيعالار تۋرالى حابارلاۋ تەتٸگٸن قۇرۋدى جوسپارلاپ وتىر. الايدا ونىڭ ناقتى جۇمىس تەرتٸبٸ ەزٸرگە بەلگٸلەنبەگەن.
