بٸرٸككەن ۇلتتار ۇيىمىنىڭ ادام قۇقىقتارى جٶنٸندەگٸ كەڭەسٸ رەسەي ەسكەرٸ كيەۆ وبلىسىنان كەتكەن سوڭ بۇل ايماقتا مىڭداعان مەيٸت تابىلعانىن حابارلادى. كەڭەس مۇنى ەسكەري قىلمىس دەپ ەسەپتەيدٸ.
بۇۇ-نىڭ ادام قۇقىقتارى جٶنٸندەگٸ جوعارعى كوميسسارى ميشەل باچەلەت رەسەي ەسكەرٸ ۋكراينانىڭ كيەۆ وبلىسىنان كەتكەن سوڭ مۇندا مىڭداعان مەيٸت تابىلعانىن, بۇل جاعدايدى ەسكەري قىلمىسقا جاتقىزۋعا بولاتىنىن مەلٸمدەدٸ. "كيەۆتٸڭ سولتٷستٸگٸندەگٸ اۋدانداردىڭ تۇرعىندارىن جاپپاي قىرعانىن قوسا ەسەپتەسەك, قىرعىنعا ۇشىراعان ايماقتار كٶپ ەكەنٸ شوشىتادى", - دەدٸ باچەلەت كەڭەستە داۋىس بەرۋ قارساڭىندا جاساعان بايانداماسىندا.
كەڭەستە رەسەي ەسكەرٸنٸڭ كيەۆ وبلىسىنداعى ەلدٸ مەكەندەر مەن قالالاردى باسىپ العاندا بولعان وقيعالاردى حالىقارالىق تەرگەۋ مەسەلەسٸ تالقىلاندى.
كيەۆ وبلىسى رەسەي باسقىنشىلارىنان ازات ەتٸلگەن سوڭ, 2 سەۋٸردە قالالار مەن اۋىلداردا بەيبٸت تۇرعىنداردىڭ مەيٸتٸ كٶپتەپ تابىلا باستادى. استانا تٷبٸندەگٸ بۋچا قالاسىندا كەم دەگەندە 400 ادامدى ٶلتٸرگەنٸ انىقتالدى.
مەسكەۋ ۋكراينادا "بەيبٸت تۇرعىنداردى جاپپاي قىرۋ" دەرەكتەرٸن جوققا شىعارىپ وتىر.
الايدا رەسەي ەسكەريلەرٸنٸڭ بەيبٸت تۇرعىنداردى جاپپاي قىرعانى قۇجاتتار مەن كۋەگەر سٶزٸمەن عانا ەمەس, سپۋتنيكتەن تٷسٸرٸلگەن سۋرەتتەرمەن جەنە بەينەباقىلاۋ كامەرالارىمەن دە راستالىپ وتىر.
