بٷگٸن استانا قالالىق سوتىندا «بيشٸمباەۆ ٸسٸنە» قاتىستى بارلىق فيگۋرانتتار سوڭعى سٶزدەرٸن ايتتى. ولارلىڭ ٸشٸندە ەكس-مينيستر قۋاندىق بيشٸمباەۆ تا بار, دەپ حابارلايدى قازاقپارات.
ايتا كەتكەن جٶن, ق.بيشٸمباەۆ بٸر ساعاتتان استام ۋاقىت سٶيلەدٸ. ٶز سٶزٸندە ەكس-مينيستر اقشا ۇرلىعىنا قاتىسپاعانىن تاعى بٸر مەرتە مەلٸمدەدٸ.
«مەن ٶز ەلٸمنٸڭ پاتريوتى ەكەنٸمدٸ جاقسى بٸلەمٸن. سوندىقتان جۇمىس بابىندا مەملەكەت مٷددەسٸن ويلاپ, ۇلت كٶشباسشىسى, مەملەكەت باسشىسى نۇرسۇلتان نازارباەۆ قويعان ماقسات-مٸندەتتەردٸ ورىنداۋعا تىرىستىم. مەن «بولاشاق» باعدارلاماسى بويىنشا اقش-تا تاماشا بٸلٸم الىپ كەلدٸم. سول ٷشٸن ٶز ەلٸمە, مەملەكەت باسشىسىنا شەكسٸز العىسىمدى ايتامىن. قاي جەردە ٸستەسەم دە, ەلٸمٸزگە, مەملەكەت باسشىسى نۇرسۇلتان نازارباەۆقا پايدالى بولۋعا تىرىستىم. مەنٸڭ وتباسىم دا سولاي تەربيەلەدٸ. ەل مٷددەسٸنە دەگەن ادالدىق, مەملەكەت باسشىسىنا دەگەن ادالدىق - ماعان بەرٸلگەن تەربيەنٸڭ باستى ٶزەگٸ. مەنٸڭ اتام, ەكەم, انام ٶمٸرٸنٸڭ باسىم بٶلٸگٸن وتانىنا, عىلىم مەن بٸلٸمدٸ دامىتۋعا ارنادى. ولار مەنٸ بٸلٸمگە, ەڭبەككە ادال بولۋعا ٷيرەتتٸ. ال مەنٸڭ بارلىق جەتٸستٸكتەرٸم «بولاشاق» باعدارلاماسى اياسىندا العان بٸلٸم مەن قاجىرلى ەڭبەكتٸڭ ارقاسى», – دەدٸ ق.بيشٸمباەۆ.
ەكس-مينيستر مەملەكەت باسشىسى نۇرسۇلتان نازارباەۆتان تاعى بٸر مەرتە كەشٸرٸم سۇرادى. پرەزيدەنتتٸڭ جاستارعا دەگەن وڭ كٶزقاراسى ارقاسىندا قاراپايىم بانك قىزمەتكەرٸنەن مينيسترگە دەيٸن كٶتەرٸلگەنٸن دە جەتكٸزدٸ.
سونداي-اق ق.بيشٸمباەۆ 1,1 ملرد تەڭگەنٸ ۇرلاماعانىن, شىنى زاۋىتىنىڭ ۋاقىتىندا سالىنباعانى ٷشٸن بانك-گارانت 4,5 ملرد تەڭگەگە جۋىق اقشانى تٶلەپ بەرگەنٸن ايتىپ ٶتتٸ.
«مەن ەشقانداي پارا العان جوقپىن. قۇرمەتتٸ سوت, مەنٸ اقتاۋدى سۇرايمىن», - دەپ اتاپ كٶرسەتتٸ ول.
ايتا كەتەيٸك, ٶتكەن جىلدىڭ باسىندا ەكس-مينيستر قۋاندىق بيشٸمباەۆ قاماۋعا الىنعان بولاتىن. تەرگەۋ ماتەريالدارىنا سەيكەس, ق.بيشٸمباەۆ «بەيتەرەك» ۇلتتىق حولدينگٸنٸڭ باسشىسى بولىپ تۇرعاندا قىزىلوردا قالاسىنداعى شىنى زاۋىتىنىڭ بٸر ميلليارد تەڭگەسٸن تالان-تاراجعا سالعان. اتالعان قارجى «Orda Glass» جشس جەنە وعان قاراستى «شىمكەنتحيممونتاج» جشس ارقىلى ۇرلاندى.
بۇدان بٶلەك, ەكس-مينيستر «نۇرلى جول» باعدارلاماسىنا قاتىسقان قۇرىلىس كومپانييالارىنان اقشا العانى ٷشٸن ايىپتالىپ وتىر. وسى ٸسكە قاتىسى بار بٸرقاتار ازاماتتار ٶز كٸنەسٸن مويىندادى. الايدا قۋاندىق بيشٸمباەۆ ٶزٸنە تاعىلعان ايىپپەن كەلٸسپەي وتىر. بۇعان دەيٸن ول پرەزيدەنتتٸڭ الدىندا كٸنەلٸ ەكەنٸن جەتكٸزدٸ. مەملەكەتتٸك ايىپتاۋشى ونى 12 جىلعا سوتتاۋ قاجەت دەپ سانايدى.
