قىتايدىڭ جوعارى زاڭ شىعارۋشى ورگانى بٷكٸلقىتايلىق حالىق ٶكٸلدەرٸ جينالىسىنىڭ (بحٶج) 13-شاقىرىلىمىنا 6 قازاق دەپۋتات بولىپ سايلاندى, دەپ حابارلايدى "ۇلت اقپارات" قازاقپاراتقا سٸلتەمە جاساپ.
سينحۋا اگەنتتٸگٸندە جارييالانعان دەپۋتاتتاردىڭ تولىق تٸزٸمٸنە قىتايدا تۇراتىن قازاق ۇلتىنىڭ 6 ٶكٸلٸ كٸردٸ. ولاردىڭ بەسەۋٸ شىنجاڭ-ۇيعىر اۆتونومييالىق ٶلكەسٸنەن, بٸرەۋٸ قىتاي حالىق-ازاتتىق ارميياسىنىڭ ٶكٸلٸ رەتٸندە سايلاندى. ونىڭ ەسٸمٸ - ماقپال, تەگٸ جارييالانباي وتىر.
ايتا كەتەيٸك, قىتاي حالىق-ازاتتىق ارميياسىنىڭ ٶكٸلٸ رەتٸندە قازاق دەپۋتاتىنىڭ سايلانۋى قىتاي تاريحىندا تۇڭعىش رەت تٸركەلٸپ وتىر. ال بۇعان دەيٸنگٸ 12-شاقىرىلىمعا شىڭجاڭ ٶلكەسٸنەن 5 قازاق دەپۋتات سايلانعان بولاتىن.
ەسكە سالا كەتسەك, 24 اقپان كٷنٸ بٷكٸلقىتايلىق حالىق قۇرىلتايىنىڭ 12-كەزەكتٸ تۇراقتى كوميتەتٸ بارلىق 2980 دەپۋتاتتىڭ تٸزٸمٸن بەكٸتتٸ. 13-شاقىرىلىم ٶكٸلەتتٸگٸ 2018 جىلعى ناۋرىزدان 2023 جىلعا دەيٸن سوزىلادى. داۋىس بەرۋ ەل بويىنشا اشىلعان 35 سايلاۋ ۋچاسكەسٸندە جٷرٸپ, قىتايدا ٶمٸر سٷرەتٸن 55 ۇلتتان 438 دەپۋتات سايلاندى.
بٷكٸلقىتايلىق حالىق قۇرىلتايى 13-كەزەكتٸ تۇراقتى كوميتەتٸنٸڭ بٸرٸنشٸ جالپى مەجٸلٸسٸ 5 ناۋرىز كٷنٸ بەيجٸڭ قالاسىندا ٶتەدٸ.
